वॉशिंग्टन । भारत-अमेरिकन नागरिकांचे प्रमुख पंतप्रधान नरेंद्र मोदी आणि राष्ट्रपती जो बाईडन यांच्यात सोमवारी चर्चा झाली. फोन संभाषणानंतर बाईडन यांनी कोरोना संसर्गाच्या या कठीण काळात भारताला मदत करण्याचे म्हटले आहे. ते म्हणाले की, गरजेच्या वेळी भारत अमेरिकेसाठी उपस्थित होता आणि या संकटात अमेरिकादेखील त्यांच्या पाठीशी उभा राहील. या चर्चेनंतर बाईडन प्रशासनाने कोविड -19 साथीच्या विरूद्ध युद्धात भारताला मदत करण्याची तयारी सुरू केली आहे.
व्हाईट हाऊस भारताला ऑक्सिजन पुरवठा, कोविड -19 लस कच्चा माल देण्याची तयारी करीत आहे आणि अमेरिका पीपीई किट आणि आवश्यक औषधे देखील पुरवित आहे. फोन संभाषणानंतर बाईडन यांनी ट्वीट केले की, ‘आज मी पंतप्रधान नरेंद्र मोदींशी बोललो आणि कोविड -19 च्या विरोधातील युद्धात आपत्कालीन मदत आणि संसाधने पुरवण्यासाठी अमेरिकेने पूर्ण सहकार्य करण्याचे वचन दिले. भारत आमच्या बाजूने उभा होता आणि आम्ही त्यांच्या बाजूने उभे आहोत.
बाईडन यांनी अमेरिकेच्या 46 व्या राष्ट्रपती पदाची शपथ घेतल्यानंतर, दोन्ही राष्ट्रप्रमुख फोनवर दुसर्‍यांदा बोलले. असं म्हटलं जात आहे की या दोघांमधील संवाद सुमारे 45 मिनिटे चालले. भारताच्या विनंतीनंतर अमेरिका ऑक्सिजन पुरवठ्याच्या शक्यतांचा शोध घेत आहे. मीडिया रिपोर्टनुसार, अशा सात अत्यावश्यक वस्तूंची यादी भारताने सादर केली असून ज्याची देशाला सर्वात जास्त आवश्यकता आहे. यामध्ये ऑक्सिजन कॉन्सेन्टर्स, 10 आणि 45 लिटर क्षमतेसह ऑक्सिजन सिलेंडर्स, ऑक्सिजन जनरेटर, ऑक्सिजन जनरेशन प्लांट, रेमडेसिवीर, फेविप्रीवीर आणि टॉसिलिझुमब यांचा समावेश आहे.