बीड : हॅलो महाराष्ट्र – बीड जिल्ह्यातील माजलगाव या ठिकाणी एक धक्कादायक घटना घडली आहे. यामध्ये एका तरुणाने पेट्रोल पंपाची तोडफोड केली आहे. तोडफोड करतानाची घटना पेट्रोल पंपावर असलेल्या सीसीटीव्ही कॅमेऱ्यात कैद झाली आहे. पेट्रोल न दिल्याच्या रागातून ही तोडफोड करण्यात आली आहे. मध्यरात्री पेट्रोल पंप बंद झाल्यानंतर दोन तरुण पेट्रोल भरण्यासाठी दुचाकीवरून संबंधित पेट्रोल पंपावर आले. त्यावेळी त्यांनी वाहानात पेट्रोल भरण्यासाठी सांगितले. मात्र पेट्रोल पंप बंद झाल्याने कर्मचाऱ्यांनी पेट्रोल देण्यास नकार दिला. यामुळे एका तरुणाला राग अनावर झाला आणि त्याने पेट्रोल पंपाची तोडफोड करण्यास सुरुवात केली. हा सर्व प्रकार पेट्रोल पंपावर असणाऱ्या सीसीटीव्ही कॅमेऱ्यात कैद झाली आहे.
— Ajay Rajaram Ubhe (@RajaramUbhe) February 1, 2022
पेट्रोल न दिल्यामुळे झाला वाद
सविस्तर माहिती अशी कि, माजलगाव शहरामध्ये एका पेट्रोल पंपावर दोन तरुण मध्यरात्री पेट्रोल भरण्यासाठी गेले होते. मात्र त्यावेळी पेट्रोल पंप बंद झाल्याने तेथील कर्मचाऱ्यांनी पेट्रोल देण्यास नकार दिला. त्यामुळे एका तरुणाचा राग अनावर झाल्याने त्याने पेट्रोल का दिले नाही अशी विचारणा करत पेट्रोल पंपाची तोडफोड केली. यानंतर काही वेळाने तरुण घटनास्थळावरून निघून गेले. हि सर्व घटना त्या ठिकाणी असलेल्या सीसीटीव्हीमध्ये कैद झाली आहे.
पेट्रोल पंपाचे मोठ्या प्रमाणात नुकसान
या प्रकरणातील तरुणाची अजून ओळख पटलेली नाही. हि सर्व घटना त्या ठिकाणी असलेल्या सीसीटीव्हीमध्ये कैद झाली आहे. या तोडफोडीमध्ये पेट्रोल पंपाचे मोठ्या प्रमाणात नुकसान झाले आहे. या तरुणाने पेट्रोल भरायच्या नळीने मशीनची तोडफोड केली आहे. यानंतर हे दोघेही त्या ठिकाणाहून निघून गेले.