वसई : हॅलो महाराष्ट्र – वसईमध्ये चोरीच्या घटनांमध्ये मोठ्या प्रमाणात वाढ झाली आहे. अशीच एक चोरीची घटना वसईमध्ये घडली आहे. यामध्ये घरासमोर पार्क केलेली अॅक्टिव्हा स्कुटर चोरट्यांनी चोरुन नेली आहे. हि चोरीची घटना घरासमोर लावलेल्या सीसीटीव्ही कॅमेऱ्यात कैद झाली आहे. दुचाकीवरुन आलेल्या दोघांनी हि अॅक्टिव्हा चोरून नेली आहे.
https://twitter.com/RajaramUbhe/status/1506597887706161154
काय आहे प्रकरण ?
वसईतील कामन गावात राहणाऱ्या निलेश गुप्ता यांनी आपल्या घरासमोर अॅक्टिव्हा गाडी पार्क केली होती. मध्यरात्रीच्या सुमारास दोघा चोरांनी ही स्कूटर पळवली आहे. या प्रकरणी वालीव पोलीस ठाण्यात दोन्ही आरोपींविरोधात गुन्हा दाखल करण्यात आला आहे. 20 मार्च रोजी मध्यरात्री साडेतीन वाजताच्या सुमारास हि चोरीची घटना घडली आहे.
नेमकं काय घडलं?
या सीसीटीव्हीमध्ये दिसत आहे कि दोघे चोरटे एका दुचाकीवर आले. सुरुवातीला ते लांब थांबलेले होते. नंतर त्यांच्यापैकी एक जण चालत या अॅक्टिव्हाजवळ येतो. यानंतर त्याने आजूबाजूचा अंदाज घेतला. त्यानंतर अॅक्टिव्हावर बसून त्याने ही गाडी चोरुन नेली. हि संपूर्ण चोरीची घटना निलेश गुप्ता यांच्या घरासमोर लावलेल्या सीसीटीव्ही कॅमेऱ्यात कैद झाली आहे. वसई पोलीस या सीसीटीव्हीच्या आधारे त्या चोरट्यांचा शोध घेत आहेत.
