हॅलो महाराष्ट्र ऑनलाईन । महाराष्ट्राच्या कानाकोपऱ्यात गौतमी पाटीलच्या नावाची तुफान चर्चा आहे. गौतमी पाटीलची वेगळी ओळख करुन देण्याची आता गरज नाही. कारण आपल्या दिलखेचक अदांनी गौतमीने तरुणांना वेड लावले आहे. मात्र, तिच्या लावण्यात नृत्यावर काहीवेळा वाढी झाले आहे. गौतमी पाटील म्हटलं की वाद तिच्याशी आपोआप जोडला जातो. लावणी करत असताना कुणी छेड काढल्यास त्याला ती उत्तरही देते. अशाच एका प्रेक्षकाने छेड काढल्यानं गौतमीनं त्याला चांगलाच चोप दिल्याचा व्हिडीओ सोशल मीडियावर व्हायरल झाला आहे.
सांगली जिल्ह्यातील बेडग गावामध्ये गौतमी पाटीलचा नुकताच एक लावणीचा कार्यक्रम पार पडला. गौतमीचा कार्यक्रम म्हंटलं कि तोबा गर्दी ही होणारच. तिच्या लावणीच्या कार्यक्रमाला सांगलीतील अनेक भागातून तिचे चाहते आणि प्रेक्षकांची गर्दी लोटली होती. या गर्दीमुळे जवळच असलेल्या जिल्हा परिषदेच्या शाळेची मोठ्या प्रमाणात नुकसानही झाले होते.
गौतमी पाटील? pic.twitter.com/aGYgTTexkF
— Ravindra A Deshmukh (@Rdeshmukh11) December 31, 2022
त्यानंतर गौतमी एका लावणीच्या कार्यक्रमात आली असता तिच्या भोवती जमलेल्या गर्दीतील काही तरुणांनी तिची छेड काढण्याचा प्रयत्न केला. त्यावेळी गौतमी चांगलीच संतापली. तिने हातात चप्पल घेत तरुणाला चोपून, तुडवून काढलं. गौतमीचा व्हायरल झालेला हा व्हिडीओ तीन महिने जुना असल्याचे सांगितले जात आहे.