हॅलो महाराष्ट्र ऑनलाइन | आर्यन खान ड्रग प्रकरणानंतर राष्ट्रवादी काँग्रेसचे नेते नवाब मलिक यांनी एनसीबी अधिकारी समीर वानखेडे , काशीफ खान, आणि केपी गोसावी यांच्यावर निशाणा साधला होता.त्यानंतर नवाब मलिक यांनी पुन्हा एकदा आज काशीफ खान आणि केवी गोसावी यांचे व्हाट्सअप्प चॅट शेअर करत समीर वानखेडे यांना सवाल केला आहे.
या ट्विटमध्ये मलिक म्हणतात की, हे आहे के.पी. गोसावी आणि काशिफ खान यांच्यातील संभाषणाचं व्हॉट्सअप चॅट. काशिफ खानला प्रश्न का विचेरले जात नाहीत. काशिफ खान आणि समीर वानखेडे यांच्यातील संबध काय? असे प्रश्न मलिक यांनी उपस्थित केलेय. तसेच व्हॉट्सअप संभाषणाचा स्क्रीनशॉटही पोस्ट केलाय.
Here are whatsapp chats between K P Gosavi and an informer which shows how they were planning to trap people who were going to attend the party on the Cordelia Cruise.
This is Sameer Dawood Wankhede's private army therefore he has a lot to answer pic.twitter.com/Et6VNrQefR— Nawab Malik نواب ملک नवाब मलिक (@nawabmalikncp) November 16, 2021
काय आहे चॅट मध्ये-
एनसीबी पंच के पी गोसावी आणि इन्फॉर्मर यांच्यातील वॉट्स एप चॅट नवाब मलिक यांनी शेअर केले आहे. या चॅटमध्ये बनीत, काशीफ आणि सोहेल अहमद यांचा फोटो अरेंज करण्यासाठी त्या खबऱ्याशी झालेल्या संवादातील उल्लेख आहे. त्यानंतर फोटो शेअर करण्यात आले आहेत. त्यामध्ये काशीद खानच्या फोटोचाही समावेश आहे. तीन बस भरून लोक आले आहेत, अशीही माहिती चॅटमध्ये देण्यात आली आहे. या पार्टीला उपस्थितांपैकी काही लोकांचे कपडे आणि त्यासोबत नावांची विचारणा के पी गोसावी करताना दिसत आहे. त्यावर खबऱ्या हा बघून देतो असे सांगतो. जी नावे सांगितली आहेत ती कन्फर्म आहेत का असा सवाल के पी गोसावीने केला. त्यानंतर कपड्यांसह फोटो मिळाले तर त्या लोकांना पकडणे सोपे जाईल असाही संवाद आहे. सर्व अधिकारी प्रतिक्षेत आहेत.