औरंगाबाद – दक्षिण मध्य रेल्वेच्या करमाड ते चिकलठाणा सेक्शन मधील रेल्वे पटरीचे नवीनीकरण (थ्रू स्लीपर रेण्युवल) करण्या करिता दिनांक 18 जानेवारी ते 26 फेब्रुवारी, 2022 दम्यान आठवड्यातून तीन दिवस सोमवार, बुधवार आणि शनिवारी 180 मिनिटांचा लाईन ब्लॉक घेण्यात येणार आहे. हा ब्लॉक दुपारी 15.05 पासून सायंकाळी 18.05 वाजे पर्यंत घेण्यात येणार आहे. लाईन ब्लॉकमुळे औरंगाबाद-हैदराबाद एक्स्प्रेस काही दिवस औरंगाबाद येथून 125 मिनिटे उशिरा सुटणार, तर काचीगुडा-रोटेगाव डेमू एक्सप्रेस 40 मिनिटे उशिरा धावणार आहे.
या कालावधीत एकूण 17 ब्लॉक घेवून हे कार्य पूर्ण करण्यात येणार आहे. सुरक्षेच्या दृष्टीने हे कार्य महत्वपूर्ण आहे. हा लाईन ब्लॉक दिनांक 19, 22, 24, 26, 29, 31 जानेवारी आणि दिनांक 02, 05, 07, 09, 12, 14, 16, 19, 21, 23, 26 फेब्रुवारी 2022 रोजी एकूण 17 दिवस घेण्यात येणार आहे. यामुळे औरंगाबाद ते हैदराबाद एक्स्प्रेस आणि काचीगुडा ते रोटेगाव डेमू एक्सप्रेस या दोन गाड्या वरील तारखेस उशिरा धावतील. अशी माहिती दक्षिण मध्य रेल्वेने एका पत्रकाद्वारे दिली आहे.
लाईन ब्लॉक च्या दिवशी गाडी संख्या 17650 औरंगाबाद ते हैदराबाद एक्स्प्रेस औरंगाबाद रेल्वे स्थानकावरून तिची नियमित वेळ दुपारी 16.15 वाजता ऐवजी 125 मिनिटे उशिरा म्हणजेच सायंकाळी 18.20 वाजता सुटेल. तसेच लाईन ब्लॉक च्या दिवशी गाडी संख्या 17661 काचीगुडा – रोटेगाव डेमू एक्सप्रेस जालना ते करमाड दरम्यान 40 मिनिटे उशिरा धावेल.
