नवी दिल्ली । इंडिया पोस्ट पेमेंट बँक (India Post Payment Bank) आणि पोस्ट विभागाने ग्राहकांच्या सोयी लक्षात घेऊन डाकपे अ‍ॅप (DakPay App) सुरू केले आहे. हे अ‍ॅप गूगल पे प्रमाणे काम करते. या अ‍ॅपच्या मदतीने आपण घरूनच बँकिंग आणि पोस्ट ऑफिस सुविधांचा लाभ घेऊ शकता. कोणीही हे अ‍ॅप वापरू शकते. यासाठी आपल्याकडे पोस्ट ऑफिसमध्ये खाते असणे आवश्यक नाही. यूपीआय या अ‍ॅपशी जोडला गेला आहे, जेणेकरून आपण सहजपणे डिजिटल व्यवहार करू शकाल.
या सुविधांचा लाभ घेऊ शकता
या अ‍ॅपच्या मदतीने तुम्ही Domestic Money Transfers अर्थात DMT द्वारे पैसे पाठवू शकता. याशिवाय तुम्ही QR कोड स्कॅन करूनही पैसे पाठवू शकता. कोणतीही सर्व्हिस किंवा व्यापारिक पेमेंट व्हर्च्युअल डेबिट कार्ड आणि यूपीआयद्वारे दिली जाऊ शकते. याद्वारे बँकिंग सर्व्हिस आणि पोस्टल प्रोडक्टचा ऑनलाईन लाभ घेता येईल. याद्वारे, ग्राहक घरबसल्या पोस्टल फायनान्शिअल सर्व्हीसेसचा लाभ घेऊ शकतात.
ते कसे वापरावे?
> आपण प्ले स्टोअर वरून हे अ‍ॅप डाउनलोड करू शकता.
> त्यानंतर आपल्याला आपली प्रोफाइल तयार करावी लागेल.
> यामध्ये तुम्हाला तुमचा रजिस्टर्ड मोबाईल नंबर, नाव, पिन कोड आणि खाते क्रमांक टाकावा लागेल.
> त्यानंतर आपणास तो आपल्या बँक खात्याशी जोडावा लागेल.
> या अ‍ॅपमध्येही तुम्हाला यूपीआय अ‍ॅप प्रमाणे चार-अंकी पिन तयार करावा लागेल.
> या अ‍ॅपद्वारे आपण किराणा दुकानातून शॉपिंग मॉल्सपर्यंत सर्वत्र पेमेंट करू शकता.
ग्रामीण भागात राहणाऱ्यांचा विकास होईल
या अ‍ॅपच्या मदतीने तुम्ही कोणत्याही खात्यातून IPPB खात्यावर पैसे पाठवू शकता. हे अ‍ॅप विकसित आणि मागासलेल्या भागातील अंतर दूर करण्यासाठी सुरू करण्यात आले आहे. या अ‍ॅपद्वारे गावात राहणाऱ्या लोकांनाही बँकिंग सुविधांचा लाभ मिळणार आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.