सातारा प्रतिनिधी | शुभम बोडके
सातारा जिल्ह्यात मंगळवारी रात्री उशिरा आलेल्या कोरोना तपासणीत रिपोर्टमध्ये 189 जण बाधित आढळले आहेत. तर दोनजण ओमायक्रोन बाधित आढळले आहेत. आतापर्यंत जिह्यात एकूण 8 ओमायक्रोन बाधितांची संख्या झालेली आहे. कोरोना बाधितांचा आकडा हा कालपेक्षा दुप्पट झाला आहे.
गेल्या चोवीस तासात सातारा जिल्ह्यात 2 हजार 534 लोकांची कोरोना तपासणी करण्यात आली होती. त्यापैकी 189 लोक बाधित आढळून आले आहेत. तपासणी पॉझिटिव्ह रेट हा कालच्यापेक्षा दुप्पट झालेला आहे. आजच्या अहवालात पाॅझिटीव्ह रेट 7. 45 टक्के आला आहे.
गेल्या 24 तासात जिल्ह्यात आलेल्या अहवालात कोरोना बाधितांची संख्या वाढताना दिसत आहे. सातारा जिल्ह्यातील खंडाळा तालुक्यात परदेशातून आलेल्या एकाला आणि त्याच्या संपर्कात आलेल्या एका निकटवर्तीय यांनी ओमायक्रोनची लागण झाली आहे.
