अदानी टोटल गॅसकडून गॅस मीटर बनवणाऱ्या स्मार्टमीटरचे अधिग्रहण, अधिक माहिती जाणून घ्या

वॉशिंग्टन । गॅस कंपनी अदानी टोटल गॅस लिमिटेडने गॅस मीटर उत्पादन कंपनी स्मार्टमेटर्स टेक्नॉलॉजीज प्रायव्हेट लिमिटेड मध्ये प्रवेश केला आहे. म्हणजेच, SMTPL (Smartmeters Technologies Pvt Ltd) मध्ये 50 टक्के हिस्सा विकत घेतला आहे. यामुळे कंपनीला त्यांच्या गॅस रिटेल व्यवसायात मदत होईल. अदानी टोटल गॅस ही अदानी ग्रुप आणि फ्रान्सची टोटल एनर्जीजची जॉईंट वेंचर कंपनी आहे.

कंपनीने स्मार्टमेटर्स टेक्नॉलॉजीज प्रायव्हेट लिमिटेडचा 1 कोटी रुपयांमध्ये 50 टक्के हिस्सा विकत घेतला आहे. कंपनीने शेअर बाजारांना पाठवलेल्या माहितीमध्ये ही माहिती दिली. हे अधिग्रहण सप्टेंबरपर्यंत पूर्ण होणे अपेक्षित आहे.

31 मार्च 2021 रोजी संपलेल्या आर्थिक वर्षात स्मार्टमीटरची 4.83 कोटी रुपयांची उलाढाल होती. कंपनी गॅस मीटर तयार करते. या मीटरचा वापर घरातील पाईप गॅस (PNG) मध्ये ग्राहकाचा गॅस वापर शोधण्यासाठी केला जातो.

अदानी ग्रुपला धक्का, सेबीने अदानी विल्मरच्या IPO वर बंदी घातली
दुसरीकडे, देशातील बाजार नियामक सिक्युरिटीज अँड एक्स्चेंज बोर्ड ऑफ इंडिया (SEBI) ने अदानी ग्रुपची कंपनी अदानी विल्मरच्या IPO वर बंदी घातली आहे. अदानी विल्मर खाद्यतेल ब्रँड फॉर्च्यून (Fortune) तयार करते. या प्रकरणाची माहिती असलेल्या एका व्यक्तीने सांगितले की,”अदानी ग्रुपची प्रमुख कंपनी अदानी एंटरप्रायझेसच्या विरोधात विदेशी पोर्टफोलिओ गुंतवणुकीच्या सुरू असलेल्या तपासामुळे सेबीने हे पाऊल उचलले आहे.”