हॅलो महाराष्ट्र ऑनलाईन | सध्या राज्यातील राजकारणात आता माणसेही सक्रिय झालेली पहायला मिळत आहे. त्यात आता आगामी काळात मुंबई महानगर पालिकेसह राज्यातील विविध स्थानिक स्वराज्य संस्थांच्या निवडणुका येऊन ठेपल्या आहेत. या पार्श्वभूमीवर मनसेने मोठा निर्णय घेतला असून मनसेचे अध्यक्ष राज ठाकरे यांचे सुपुत्र अमित ठाकरे यांच्याकडे मोठी जबाबदारी सोपवली आहे. अमित ठाकरे यांची निवड महाराष्ट्र नवनिर्माण विद्यार्थी सेनेच्या अध्यक्षपदी करण्यात आलेली आहे.
अमित ठाकरे यांना अध्यक्षपद देण्यात आल्यानंतर आज सकाळी मनसेच्या मुंबईतील राजगड या मध्यवर्ती कार्यालयाने एक पत्रक प्रसिद्ध करून या संदर्भातील घोषणा करण्यात आली. या निवडीमुळे पुढच्या काळात अमित ठाकरे हे मनसेमध्ये अधिक सक्रिय झालेले दिसू शकतात.
आज 'मराठी भाषा गौरव' दिवशी महाराष्ट्र नवनिर्माण विद्यार्थी सेनेच्या अध्यक्षपदी श्री. अमितजी राजसाहेब ठाकरे यांची नियुक्ती जाहीर करण्यात आली आहे.
शिक्षण क्षेत्राशी संबंधित या महत्वाच्या नव्या जबाबदारीसाठी श्री. अमितजी ठाकरे यांचे मनःपूर्वक अभिनंदन. भावी वाटचालीसाठी शुभेच्छा! pic.twitter.com/QMSYGJnApQ
— MNS Adhikrut – मनसे अधिकृत (@mnsadhikrut) February 27, 2022
मनसे अध्यक्ष राज ठाकरे यांचे सुपुत्र अमित ठाकरे यांच्याकडून गेल्या काही वर्षांपासून मनसेच्या संघटनात्म बांधणीसाठी सक्रिय झाले आहेत. मात्र त्यांच्याकडे पक्षानेकोणतीही पद तसेच जबाबदारी सोपवली नव्हती. आता आगामी महानगर पालिका निवडणुकीच्या पार्शवभूमीवर मनसेने निवडसणूक लढवण्याचा निर्णय घेतला आहे. त्यामुळे यामीट ठाकरे यांची महाराष्ट्र नवनिर्माण विद्यार्थी सेनेच्या अध्यक्षपदी निवड करण्यात आली. नव्याने जबाबदारी देण्यात आली असल्याने अमित ठाकरेंवरील जबाबदारी वाढणार आहे.