हॅलो महाराष्ट्र ऑनलाइन | ईडी कस्टडी मध्ये असलेले राष्ट्रवादी कॉंग्रेसचे नेते आणि राज्याचे अल्पसंख्यांक मंत्री नवाब मलिक यांची तब्ब्येत बिघडल्याने त्यांना मुंबईतील जे जे रुग्णालयात दाखल करण्यात आले आहे. त्यावरून भाजप नेते मोहित कंबोज यांनी नवाब मलिक यांच्यावर निशाणा साधला आहे. गांजा न मिळाल्यामुळे मलिक यांची तब्ब्येत बिघडली असे म्हणत त्यांची ड्रग टेस्ट करावी अशी मागणी मोहित कंबोज यांनी केली
मोहित कंबोज यांनी ट्विट करत म्हंटल की, नवाब मलिकांची नक्की तब्येत कशामुळे बिघडली? हम झुकेंगे लेकिन हम पीटेंगे जरूर आणि आता बहाना करुन मलिक रुग्णालयात दाखल झाले आहेत. कोण म्हणतंय नवाब मलिकांची तब्येत बिघडले ते घाबरले आहेत. आणि ते प्रचंड तणावात आहेत. अटक होण्याच्या एक दिवस आधी नवाब मलिक बलियावरुन घरी परतले होते. ते सकाळी घरी होते जेव्हा ईडीने त्यांना ताब्यात घेतलं.
हम झुके के नहीं – लेकिन हम पीटेंगे ज़रूर !
नवाब मलिक का #DrugTest होना चाहिए !
तबियत बिगड़ने का असली राज ! #NawabMalikArrest pic.twitter.com/p66smXcUdq— Mohit Kamboj Bharatiya (@mohitbharatiya_) February 27, 2022
नवाब मलिक रोज हर्बल तम्बाकू खातात. गांजाशिवाय नवाब मलिकांची झोप उडत नाही. कोणालाही विचारले तर सांगतील नवाब मलिक रोज गांजा ओढतात. गांजा न मिळाल्यामुळे त्यांच्यातील लक्षणे दिसू लागली आणि ते घाबरत आहेत. यामुळे त्यांना रुग्णालयात दाखल करण्यात आले. माझी विनंती आहे की, डॉक्टरानी आणि केंद्रीय तपास यंत्रणांनी नवाब मलिकांची ड्रग्ज टेस्ट करावी. नवाब मलिकांचा अहवाल जाहीर करावा अशी मागणी त्यांनी केली
दरम्यान, ईडी कोठडीत असलेल्या अल्पसंख्याक मंत्री नवाब मलिक यांची तब्बेत अचानक बिघडली असून त्यांना मुंबईतील जे जे रुग्णालयात दाखल करण्यात आले आहे. . किडनीमध्ये दुखत असल्यामुळे मलिकांना रुग्णलायात दाखल करण्यात आलय. डी गॅंग संबंधित व्यक्ती कडून जमीन खरेदी केल्याच्या आरोपाखाली नवाब मलिक याना अटक केली असून त्यांना ३ मार्च पर्यंत ईडी कोठडी सुनावण्यात आली आहे.