हॅलो महाराष्ट्र ऑनलाईन । मनसे अध्यक्ष राज ठाकरे यांनी पक्षाच्या जाहीर मेळाव्यात काँग्रेस नेते राहुल गांधी यांच्यावर टीका केली होती. राहुल गांधी गुळगुळीत मेंदूचे असून सावरकरांवर बोलायची लायकी आहे का? अशा शब्दात त्यांनी घणाघात केला. यांनतर काँग्रेस नेते सचिन सावंत यांनी राज ठाकरेंवर पलटवार केला आहे. ज्यांचा मेंदू भाजपकडे गहाण आहे त्यांनी राहुल गांधी यांच्या बुद्धीमत्तेबद्दल, लायकीवर बोलावं, ही दुर्दैवाची आणि हास्यास्पद गोष्ट आहे, असं प्रत्युत्तर त्यांनी दिले.
सचिन सावंत यांनी ट्विटर वर एक विडिओ शेअर करत राज ठाकरेंवर निशाणा साधला. भाजपनं मनसेचं इंजिन पूर्णपणे ताब्यात घेतलं आहे,हे या भाषणानं शिक्कामोर्तब झालं. १६ वर्षात त्यांनी ज्या भूमिका बदलल्या त्याला जनतेचा पाठिंबा मिळत नाही. राजकीय यश मिळत नाहीत, याचं आत्मचिंतन करण्यापेक्षा ते दुसऱ्यांवर आणि माध्यमांवर खापर फोडत आहेत, अशी टीका सचिन सावंत यांनी केली.
मनसे अध्यक्ष राज ठाकरे जी यांच्या आजच्या भाषणावर व काँग्रेस नेते राहुल गांधी यांच्याबद्दल केलेल्या वक्तव्यावर प्रतिक्रिया pic.twitter.com/0CFZhSYNJ3
— Sachin Sawant सचिन सावंत (@sachin_inc) November 27, 2022
ज्या पक्षाला जनतेला ब्लू प्रिंट देणार असं आश्वासन देऊन ती अजून देता आली नाही. ते स्ट्रॅटजीबद्दल बोलतात ही विरोधाभासी गोष्ट आहे. तसेच ज्यांचा मेंदू भाजपकडे गहाण आहे त्यांनी राहुल गांधी यांच्या बुद्धीमत्तेबद्दल, लायकीवर बोलावं, ही दुर्दैवाची आणि हास्यास्पद गोष्ट आहे, असं म्हणत सचिन सावंत यांनी राज ठाकरेंचा समाचार घेतला आहे.