हॅलो महाराष्ट्र ऑनलाईन । कोरोनाव्हायरसमुळे देशातील सर्व शैक्षणिक संस्था सध्या बंद आहेत. शैक्षणिक संस्था बंद असल्यामुळे मुलांना घराच्या चार भिंतीत राहण्यास भाग पाडले जात आहे. अशा परिस्थितीत मुले घरालाच शाळा, खेळाचे मैदान,उद्याने सर्वकाही समजत आहेत, मात्र बर्‍याच वेळा हि लहान मुले खेळता खेळता अशा काही करामती करून जातात ज्यामुळे त्यांचे आयुष्यच धोक्यात येते. अशीच एक घटना गुजरातच्या भावनगरातही दिसून आली आहे.
भावनगरमध्ये एक मुलगा आपल्या कुटूंबातील काही लोकांसह लपाछपी खेळत होता. हा लपाछपी खेळत असतानाच या मुलाने कुकरने आपले डोके झाकून घेतले आणि बाकीच्या कुटूंबापासून स्वत: ला लपवून ठेवले. मात्र असे केल्याने त्याचे डोके कुकरमध्ये अडकले. मुलाने कुकरमधून डोके बाहेर काढण्यासाठी बर्‍याचदा प्रयत्न केला पण तो अयशस्वी झाला. मुलाने जेव्हा पुरेशी प्रतिक्रिया दिली नाही, तेव्हा कुटुंबातील सदस्यांनी त्याचा शोध घेतला.
त्यावेळी मुलाचे डोके कुकरमध्ये अडकलेले पाहून कुटुंबातील लोक चकित झाले आणि त्यांनी त्याला तत्काळ रुग्णालयात दाखल केले. रुग्णालयात पोहोचल्यानंतर डॉक्टरांच्या बर्‍याच प्रयत्नांनंतर मुलाचे डोके कुकरमधून बाहेर काढण्यात आले. सध्या मुलाची अवस्था चांगली असल्याचे सांगितले जात आहे. डॉक्टरांनी नंतर या मुलाची तपासणी करून त्याला परत घरी पाठवले आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.