मुंबई । राज्यात कोरोनाच्या रूग्णांमध्ये दिवसेंदिवस वाढ होत आहे. कोरोनाच्या लढ्यात आघाडीवर असणाऱ्या पोलिस दलातील अधिकारी, कर्मचाऱ्यांना मोठ्या प्रमाणात कोरोनाची लागण होत आहे. पोलिस दलातील कोरोनाग्रस्तांचा आकडा हा १,६६६ पर्यंत पोहोचला असून २ दिवसांत तब्बल २८८ पोलिसांनी कोरोनाची लागण झाल्याचं दिसून येत आहे. आतापर्यंत १६ पोलिसांचा कोरोनामुळे मृत्यू झाला आहे.
लॉकडाऊनच्या काळात पोलीस खूप महत्वाची भूमिका बजावत. स्थलांतरीत मजुरांचा प्रश्न, बंदोबस्त, तपासणी यामुळे पोलिसांना कोरोनाची लागण होण्याचा धोका सर्वाधिक आहे. राज्यात कोरोनाबाधित पोलिसांमध्ये १८३ अधिकारी आणि १४८३ कर्मचाऱ्यांचा समावेश आहे.
पोलिसांना कोरोनाची लागण होत असली तरीही यामधून बऱ्या होणाऱ्या पोलिसांचा आकडा देखील सर्वाधिक आहे. ४७८ पोलिसांनी कोरोनाच्या विषाणूशी यशस्वी लढा दिला. यामध्ये ३५ पोलीस अधिकारी आणि ४३८ कर्मचारी कोरोनामुक्त झाले आहेत.
227 #CoronaWarriors of @MumbaiPolice have beaten #coronavirus and are back home already.
And they can’t wait to get back at doing what they love the most – ensure that our city’s safe!#AamhiDutyVarAahot#TakingOnCorona pic.twitter.com/kfWc9iYLzf
— CP Mumbai Police (@CPMumbaiPolice) May 20, 2020
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”