हॅलो महाराष्ट्र ऑनलाईन । आपण कधी कधी टाईमपास म्हणून शेंगदाणे खातो, पण शेंगदाणे खाणे आरोग्याला खूप उपयुक्त आणि फायदेशीर असत. शेंगदाण्याच्या प्रथिने आणि फायबर मुबलक प्रमाणात असतात. त्याचप्रमाणे खनिजे, जीवनसत्त्वे यांसारखे पोषक घटक असतात. त्यातच सध्या हिवाळ्याचे दिवस असून थंडीच्या या काळात आरोग्याची काळजी घेणं महत्त्वाचे असते. त्यामुळे आज आपण जाणून घेऊया हिवाळ्यात शेंगदाणे खाण्याचे फायदे…
शेंगदाणे खाण्यामुळे अनेक आजारांपासून बचाव करता येतो. आठवड्यातले काही दिवस शेंगदाणे खाल्ल्यास हृदयाचे आजार होण्याचा धोका कमी होतो
सर्दीपासून सुटका करण्यासाठी शेंगदाणे प्रभावी आहे. शेंगदाणे खाल्ल्याने शरीर आतून उबदार राहते. याच्या रोजच्या सेवनाने फुफ्फुसे मजबूत होतात. या ऋतूत सर्दी-खोकला टाळायचा असेल तर शेंगदाणे नियमित खाऊ शकता..
शेंगदाणे खाल्ल्याने आपल्याला भूक लागत नाही आणि जेवण कमी जाते. त्यामुळे जर तुम्ही वजन कमी करण्याचा विचार करत असाल तर शेंगदाणे फायदेशीर ठरतात.
शेंगदाण्यात मॅंगनीज, कॅल्शियम, कार्बोहायड्रेट्स मुबलक प्रमाणात आढळतात. याच्या सेवनाने रक्तातील साखरेची पातळी नियंत्रणात राहते.
शेंगदाण्यांचा रोजच्या आहारात समावेश केल्यास शरीराच्या वाढीसाठी आवश्यक असणारा प्रोटीनचा पुरवठा होण्यास मदत होते आणि आपली हाडं मजबूत होण्यास मदत मिळू शकते .
शेंगदाण्यांमध्ये असणाऱ्या मोनो अनसॅच्युरेटेड फॅट्स आणि अँटिऑक्सिडंटमुळे त्वचा स्वच्छ राहण्यास मदत मिळते.