नवी दिल्ली । कर्मचारी पेन्शन योजनेंतर्गत येणाऱ्या पेन्शनधारकांना एक युनिक नंबर जारी केला जातो, ज्याच्या मदतीने त्यांना रिटायरमेंटनंतर पेन्शन मिळते. या नंबरला पेन्शन पेमेंट ऑर्डर (PPO) म्हणतात. हा नंबर कर्मचारी भविष्य निर्वाह निधी संघटनेकडून (EPFO) कोणत्याही कंपनीतून रिटायर होणाऱ्या व्यक्तीला जारी केला जातो. रिटायरमेंटनंतर, EPFO कर्मचाऱ्याला एक पत्र जारी करते, ज्यामध्ये PPO चे डिटेल्स असतात. अशा परिस्थितीत जर एखाद्या व्यक्तीचा PPO नंबर हरवला तर तो त्याच्या बँक खात्याच्या मदतीने सहज मिळवू शकतो. त्यासाठीची प्रक्रिया काय आहे ते जाणून घेऊयात.
EPFO च्या म्हणण्यानुसार, जर एखाद्या व्यक्तीचा PPO नंबर हरवला तर तो त्याच्या बँक खाते क्रमांक किंवा PF नंबरच्या मदतीने तो पुन्हा सहज मिळवू शकतो. त्यासाठीची प्रक्रिया काय आहे जाणून घेऊयात …
>> सर्वप्रथम कर्मचारी भविष्य निर्वाह निधी संघटनेची अधिकृत वेबसाइट https://www.epfindia.gov.in/site_en/index.php वर जा.
>> आता डाव्या बाजूला दिलेल्या ‘Online Services’ सेक्शनमध्ये ‘Pensioners Portal’ या पर्यायावर क्लिक करा.
>> क्लिक केल्यानंतर एक नवीन पेज उघडेल. या पेजवर तुम्हाला ‘Know Your PPO No. तुम्हाला पर्यायावर क्लिक करावे लागेल.
>> येथे तुम्हाला तुमचा बँक खाते नंबर टाकावा लागेल, जो तुमच्या पेन्शन फंडाशी जोडलेला आहे.
>> मग तुम्ही तुमचा PF नंबर टाकून शोधू शकता ज्याला मेम्बर आयडी देखील म्हणतात.
>> डिटेल्स यशस्वीरित्या सबमिट केल्यानंतर PPO नंबर स्क्रीनवर दिसेल.
तुम्ही अशाप्रकारे देखील PPO नंबर मिळवू शकता
याशिवाय, तुम्ही नवीन टॅबमध्ये https://mis.epfindia.gov.in/PensionPaymentEnquiry/ उघडून तुमचा PPO नंबर देखील मिळवू शकता. PPO नंबरशी संबंधित माहिती मिळविण्यासाठी EPFO ची स्वतंत्र वेबसाइट आहे. येथे तुम्ही लाईफ सर्टिफिकेट, PPO नंबर, पेमेंट संबंधित माहिती आणि तुमचे पेन्शन स्टेट्स याबद्दल माहिती मिळवू शकता.
PPO नंबर का महत्त्वाचा आहे ते जाणून घ्या
पेन्शनधारक म्हणून, तुम्ही तुमच्या पासबुकमध्ये पेन्शन पेमेंट ऑर्डर क्रमांक टाकला असल्याची खात्री करावी. अनेक वेळा असे घडते की, बँक कर्मचारी पेन्शनधारकाच्या पासबुकमध्ये PPO नंबर टाकत नाहीत. जेव्हा पेन्शन खाते एका शाखेतून दुसऱ्या शाखेत ट्रान्सफर केले जाते, जेव्हा पासबुकमध्ये PPO नंबर नसतो, तेव्हा समस्या उद्भवू शकतात. त्यामुळे पेन्शन मिळण्यासही उशीर होऊ शकतो.
याशिवाय, जर तुम्ही तुमच्या पेन्शनशी संबंधित कोणतीही तक्रार EPFO मध्ये नोंदवली, तर तुम्हाला येथे PPO नंबर देणे बंधनकारक आहे. पेन्शन स्टेट्स ऑनलाइन जाणून घेण्यासाठी PPO नंबर देखील आवश्यक असतो.