नवी दिल्ली । आपल्यालाही आकर्षक व्याज आणि कमी जोखमीसह आपले पैसे गुंतवायचे असतील तर पंजाब नॅशनल बँक (Punjab National Bank) ग्राहकांना पीपीएफ खाते (PPF Account) ऑफर करत आहे. याशिवाय ग्राहकांना टॅक्स फ्री रिटर्नची सुविधादेखील मिळते. अन्य फंडांच्या तुलनेत पीपीएफ ला सर्वाधिक व्याज मिळते. याबाबत पंजाब नॅशनल बँकेने ट्वीटद्वारे माहिती दिली आहे.
PNB ने केले ट्विट
बँकेने आपल्या ट्वीटमध्ये लिहिले आहे की, “तुम्हालाही जर आपल्या भविष्याबद्दल चिंता असेल तर घाबरू नका. आकर्षक व्याज आणि टॅक्स फ्री रिटर्न मिळविण्यासाठी आपण आपले पीपीएफ खाते उघडा आणि तणावमुक्त रहा. या खात्याबद्दल अधिक माहितीसाठी आपण या लिंकवर क्लिक करू शकता https://www.pnbindia.in/public-provident-fund.html.”
या सुविधा मिळवा
पीपीएफ ही केंद्र सरकारची योजना आहे. यात चांगल्या रिटर्नसह कमी जोखीमीची हमी देखील मिळते. पीपीएफ खातेदार आर्थिक वर्षात जास्तीत जास्त दीड लाख रुपये गुंतवू शकतात. याव्यतिरिक्त, त्यांना आयकर कायद्याच्या कलम 80C अंतर्गत कर सवलतीचा लाभ देखील मिळतो.
खाते कोण कोण उघडू शकते ?
पीपीएफमध्ये आपण आपल्या नावाने किंवा अल्पवयीन मुलाचा पालक म्हणून पीपीएफ खाते उघडू शकता.
आपण किती गुंतवणूक करू शकता ?
या खात्यात गुंतवणूक करण्याबद्दल बोलायचे झाल्यास यामध्ये आपण किमान 500 रुपये जमा करू शकता. याशिवाय तुम्ही दरवर्षी 1.5 लाख रुपयांपर्यंतची गुंतवणूक करू शकता. याशिवाय जास्तीत जास्त 12 व्यवहारांतून गुंतवणूक करता येते. जर तुम्ही दीड लाखाहून अधिक गुंतवणूक केली तर तुम्हाला कोणत्याही प्रकारचे व्याज मिळणार नाही आणि जादा रकमेवर तुम्हाला कर लाभ मिळणार नाही.
मॅच्युरिटी पीरियड किती आहे ?
मॅच्युरिटी कालावधीबद्दल बोलताना, त्याचा कालावधी 15 वर्षे आहे, परंतु आपण त्यात वाढ देखील करू शकता. एकदा अर्ज केल्यास आपण ते 5 वर्षांसाठी वाढवू शकता.
व्याज किती असेल?
व्याजदराबाबत बोलताना सध्या 7.1 टक्के व्याज दिले जात आहे. हे लक्षात घ्या कि, दरवर्षी मार्च महिन्यात व्याज दिले जाते.
आपण हे खाते कुठे उघडू शकतो?
आपण हे खाते पोस्ट ऑफिस, स्टेट बँक ऑफ इंडिया, पंजाब नॅशनल बँक, कॅनरा बँक, आयसीआयसीआय बँक, एचडीएफसी बँक मध्ये उघडू शकता.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.
