पुणे | राज्यात गेल्या दोन दिवसापासून पावसाने जोरदार हजेरी लावली आहे. कोकणात पूरस्थिती निर्माण होवू लागली असताना कोल्हापूर जिल्ह्यातही पावसाचा जोर वाढला आहे. रात्रभर झालेल्या पावसामुळे कोकणात अनेक ठिकाणी रेल्वे ट्रॅक, नदीकाठची मंदिरे, बंधारे पाण्याखाली गेली आहेत. पश्चिम महाराष्ट्रातील सातारा, सांगली जिल्ह्यातही मंगळवारी पहाटे पासून पावसाने हजेरी लावली आहे. या पावसामुळे आता शेतात पेरण्यास मोठ्या प्रमाणावर सुरूवात होणार आहे.
कोकणात सुरू असलेल्या पावसामुळे प्रशासन सतर्क झाले आहे. रत्नागिरी- चिपळूण परिसरात मुसळधार पाऊस कोसळत असल्याने येथे एनडीआरएफच्या टीम दाखल झालेल्या आहेत. तसेच या परिसराला मुसळधार पावसाचा इशारा देण्यात आला आहे. गेल्या दोन दिवसापासून मुंबई- गोवा मार्गावरली परशुराम घाट बंद आहे. वैभववाडी येथे रेल्वे ट्रॅक पाण्याखाली गेलेले आहेत.
रत्नागिरीमध्ये मुसळधार पाऊस, चिपळून शहरातील रस्ते पाण्याखाली; खेड, लांजा येथे प्रशासनाचा सावधानतेचा ईशारा #पाऊस #rain #ratnagiri @mataonline @Hosalikar_KS pic.twitter.com/5KR2ZgJqZh
— Vishranti Shinde (@vishranti18) July 4, 2022
वेंगुर्ला येथे पावसाने जोरदार बॅंटींग केली असून मानशीश्वर मंदिर पाण्याखाली गेले आहे. राजापूरला पुराच्या पाण्याने वेढा दिला आहे. त्यामुळे राजापूरात जलमय अशी परिस्थिती निर्माण झाली आहे. रायगड जिल्ह्यातील सावित्री नदीची पाणीपातळीत वाढ झाली आहे.
राज्य आपत्ती व्यवस्थापन प्राधिकरण व @5Ndrf यांच्या आदेशानुसार
INSP/GD राम जनम यादव A/W 01 SOS 18 ORS असे एकूण 20 जणांचे पथक व 1 श्वानपथक चिपळूणमध्ये आज 4 जुलै रोजी दाखल झाले आहे.#Chiplun #Flood #Monsoon #Monsoon2022 #Kokan #NDRF #SDRF @NDRFHQ pic.twitter.com/qMOoLM9d7i— Kokan Media (@KokanMedia) July 4, 2022
सेल्फी काढताना महिला पुराच्या पाण्यात पडली
सिंधुदुर्गातील आंबोली येथे पुरातील पाण्यातून वाहून जाणाऱ्या महिलेल्या वाचविण्यात यश आले आहे. आंबोली येथील हिरण्यकेशी नदीला पूर आलेला आहे. सेल्फी काढत असताना महिलेचा तोल जावून पडली होती. सुदैवाने तेथे उपस्थित असलेल्या नागरिकांनी तात्काळ महिलेला वाचविले.
