नितेश राणेंवर अटकेची टांगती तलवार; हायकोर्टाने फेटाळला अटकपूर्व जामीन

हॅलो महाराष्ट्र ऑनलाइन | संतोष परब हल्ल्याप्रकरणी अडचणीत असलेले भाजप आमदार नितेश राणे यांना हायकोर्टाने अटकपूर्व जामीन फेटाळला आहे. राणे कुटुंबियांसाठी हा खूप मोठा धक्का मानला जात आहे. नितेश राणे याना याप्रकरणी अटक होण्याची शक्यता आहे. यापूर्वी सिंधुदुर्ग सत्र न्यायालयाने नितेश राणे यांचा अटकपूर्व जामीन फेटाळला आहे.

गेल्या काही दिवसांपासून नितेश राणे हे अज्ञातवासात असून पोलीस त्यांचा शोध घेत आहेत. मुंबईत तर शिवसैनिकांकडून राणे यांच्याविरोधात पोस्टरबाजी देखील करण्यात आली होती. आता हायकोर्टाने त्यांचा अटकपूर्व जामीन फेटाळल्या नंतर अटक होऊ शकते.

नेमकं काय आहे प्रकरण

सिंधुदुर्ग जिल्हा बँकेचे अध्यक्ष सतीश सावंत यांचे प्रचारप्रमुख संतोष परब यांच्यावर १८ डिसेंबर रोजी झालेल्या प्राणघातक हल्ला झाला. प्रकरणी पोलिसांना चौघांना अटक केली आहे. संतोष परब यांनी हल्लेखोरांनी नितेश राणेंच्या नावाचा उल्लेख केल्याचा आरोप केला आहे. त्यांनतर पोलीस नितेश राणे यांना शोधत आहेत.