हॅलो महाराष्ट्र ऑनलाईन । कोरोनामुळे सुरु असलेल्या लॉकडाऊनमध्ये दारूची विक्री करण्यास केंद्र सरकारने नुकतीच परवानगी दिली आहे. याच दारूच्या एमआरपीवर ७०% अतिरिक्त कोरोना कर लादण्याचा निर्णय दिल्ली सरकारने घेतला होता. मात्र शुक्रवारी दिल्ली हायकोर्टाने हा अतिरिक्त कोरोना कर घेण्याचा आदेश मागे घेण्याच्या मागणीसाठी दिल्ली सरकारवर दाखल केलेल्या याचिकेवर सुनावणी केली. सरन्यायाधीश डी एन पटेल आणि न्यायमूर्ती सी हरिशंकर यांच्या खंडपीठाने दिल्ली सरकारच्या निर्णयाला त्वरित स्थगिती देण्यास नकार दिला.
सध्या कोर्टाने बंदी घालण्यास नकार दिला आहे
हायकोर्टाने असे म्हटले आहे की, सध्या आम्ही ही बंदी घालू शकत नाही आहोत. दिल्ली सरकारच्या उत्तरानंतरच आता यावर न्यायालय काय तो निर्णय घेईल.या वाढीबाबत उत्तर देण्यासाठी दिल्ली उच्च न्यायालयाने दिल्ली सरकारला नोटीस बजावली आहे. त्यासाठी दिल्ली सरकारला २९ मे पर्यंतची वेळ देण्यात आली आहे.या याचिकेत ४ मे रोजी दिल्ली सरकारच्या नोटिफिकेशनला आव्हान देण्यात आले आहे. त्यामध्ये दारूवरील ७०% अतिरिक्त “विशेष कोरोना टॅक्स” आकारण्याचा निर्णय घेण्यात आला होता.
३ मे नंतर दिल्लीत उघडली १५० दारूची दुकाने
वास्तविक, केंद्रीय गृह मंत्रालयाने दारू विक्रीस सूट दिल्यानंतर दिल्ली सरकारने ३ मे रोजी दिल्लीत दारू विक्रीची जवळपास १५० दारूची दुकाने उघडण्यास परवानगी दिली होती, ज्याच्यानंतर दुकानाबाहेर लागलेल्या लांबच लांब रांगा लागलेल्या दिसल्या तसेच सोशल डिस्टंसिंगचाही बोजवारा उडताना दिसून आला .
त्याच्या एकच दिवसानंतर, दिल्ली सरकारने दारूवर ७० टक्के अतिरिक्त शुल्क आकारण्याचा निर्णय घेतला.विशेष म्हणजे, दिल्लीमध्ये दर तासाला सरासरी १९ ते २० लोक कोरोनाच्या संसर्गाला बळी पडत आहेत. गुरुवारी मिळालेल्या अहवालानुसार, गेल्या २४ तासात एकूण ४७२ नवीन लोकांमध्ये कोरोनाचा संसर्ग आढळला.यापूर्वी ७ मे रोजी सर्वाधिक ४८८ रुग्णांमध्ये संसर्ग झाला होता. आता दिल्लीत कोरोनाची लागण झालेल्या एकूण रुग्णांची संख्या ७०८४ वर पोहोचली असून आतापर्यंत ११५ जणांचा मृत्यू झाला आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.