ताज्या मराठी बातम्यांसाठी आमचा ग्रुप जॉईन करा

WhatsApp Group Join Now

Google News Join Now

हॅलो महाराष्ट्र ऑनलाईन । Home Loan Rate Hike : आता होम लोन वरील व्याजदरात वाढ होते आहे. अनेक बँका तसेच हाऊसिंग फायनान्स कंपन्या आपल्या ग्राहकांना ईमेल तसेच SMS द्वारे होम लोनच्या व्याजदरात वाढ झाल्याची माहिती देत आहे. बँकांच्या या निर्णयामुळे होम लोन घेणाऱ्या ग्राहकांच्या EMI मध्ये देखील वाढ होणार आहे. आता असा प्रश्न उपस्थित होतो आहे कि यानंतरही व्याजदरात वाढ होणार का ? मात्र हे आत्ताच सांगणे फार घाईचे ठरेल. अनेक तज्ञ म्हणतात की, RBI ने रेपो दरात सध्या फक्त 40 बेसिस पॉईंटने वाढ केली आहे. त्यामुळे कदाचित येणाऱ्या काळात व्याजदर आणखी वाढू शकतील ज्यामुळे EMI आणखी महागतील.

आता ग्राहकांसमोर कोण-कोणते पर्याय असतील ?

जेव्हा होम लोनवरील व्याजदर वाढतात आणि भविष्यात ते आणखी वाढण्याची शक्यता असते, तेव्हा ग्राहक फ्लोटिंग रेट होम लोनमधून फिक्स्ड रेटच्या होम लोनवर स्विच करू शकतात. यामध्ये व्याजदर वाढीचा कोणताही परिणाम होणार नाही. मात्र, इथे ही गोष्ट लक्षात घ्या कि, फिक्स्ड रेटच्या होम लोनचे व्याजदर हे फ्लोटिंग रेट होम लोनवरील व्याजदरांपेक्षा महाग असतात. ज्यामुळे आपल्याला जास्त EMI भरावा लागेल. मात्र व्याजदरातील या बदलाचा आपल्या खिशावर कोणताही परिणाम होणार नाही. Home Loan Rate Hike

‘या’ बँका फिक्स्ड रेटने देत आहेत होम लोन

एक्सिस आणि एचडीएफसी या दोन बँका ग्राहकांना फिक्स्ड रेटने होम लोन (Home Loan Rate Hike) देत आहेत. एक्सिस बँक 12 टक्के वार्षिक व्याजदराने फिक्स्ड रेट असलेले होम लोन देत आहे. मात्र, या फिक्स्ड रेटच्या होम लोनवर स्विच करण्यापूर्वी आपल्याला दीर्घ कालावधीसाठी जास्त EMI तर भरावा लागणार नाही ना याची खात्री करा. व्याजदर कमी झाल्याने त्याचा कोणताही परिणाम होणार नाही. एचडीएफसी बँकेच्या फिक्स्ड रेट असलेल्या होम लोनचे व्याजदर हे 7.40 टक्के ते 8.20 टक्क्यांपर्यंत असतात. जे कर्जाच्या रकमेवर अवलंबून असतात. तसेच, फिक्स्ड रेट असलेल्या होम लोनचा व्याजदर फक्त 2 वर्षांसाठी व्हॅलिड असतो, त्यानंतर बँक व्याजदरांचे पुनरावलोकन करते. Home Loan Rate Hike