नवी दिल्ली । पंजाब नॅशनल बँकेने (PNB-Punjab National Bank) आपल्या ग्राहकांसाठी बँकिंग फसवणुकीबद्दल अलर्ट जारी करत फिशिंग घोटाळ्यांपासून सावध राहण्यास सांगितले आहे. काही फसवणूक करणारे बँकेच्या ग्राहकांना भाग्यवान विजेते होण्याचा मेसेज पाठवत आहेत आणि त्यांना त्यांच्या जाळ्यात अडकवून त्यांच्या खात्यातून पैसे काढत आहेत. जर तुम्हालाही असा मेसेज आला असेल तर काळजी घ्या.
बँकेने आपल्या ग्राहकांना माहिती दिली आहे
देशभरातील बँका आपल्या ग्राहकांना कोणत्याही प्रकारच्या बँकिंग फसवणुकीबद्दल इशारा देत आहेत. SBI नंतर आता पंजाब नॅशनल बँकेने आपल्या करोडो ग्राहकांना बँकिंग फसवणुकीबाबत अलर्ट जारी केला आहे.
Isn’t something fishy?
The answer is if you haven’t participated in a lottery, you can’t win it.
Report such incidents of fraudulent messages on https://t.co/qb66kLcXD4.
Be mindful.#BeCyberSafe pic.twitter.com/p8qnR9piKD
— Punjab National Bank (@pnbindia) August 14, 2021
एक लाख रुपयांचे भाग्यवान विजेते ठरल्याचा मेसेज पाठवत आहे
पंजाब नॅशनल बँकेने आपल्या ट्विटर हँडलवर अनेक प्रकारच्या अलर्टचा उल्लेख केला आहे. यासोबतच सावधान राहण्याचे आवाहन करणारे ट्विट जारी करण्यात आले आहे. बँकेने आपल्या ग्राहकांना विचारले आहे की,” जर तुम्ही कोणत्याही स्पर्धेत भाग घेतला नाही तर तुम्ही विजेते कसे होऊ शकता.”
अशा प्रकारचा मेसेज फसवणूक करणारे पाठवत आहेत
फसवणूक करणारे बँकेच्या ग्राहकांना मेसेज पाठवत आहेत ज्यात लिहिले गेले आहे, ‘अभिनंदन, तुम्ही आमच्या स्पर्धेचे भाग्यवान विजेते आहात, तुम्हाला एक लाख रुपयांचे गिफ्ट देण्यात आले आहे, या लिंकवर क्लिक करा.
बँकेची फसवणूक कशी टाळावी ?
1 OTP, PIN, CVV, UPI पिन शेअर करू नका.
2 बँक खात्यातून पैसे काढले तर काय करावे ?
3 फोनवर बँकिंग माहिती कधीही सेव्ह करू नका
4 ATM कार्ड किंवा डेबिट कार्ड माहिती शेअर करू नका
5 बँक कधीही कोणतीही माहिती विचारत नाही
6 ऑनलाईन पेमेंट करताना काळजी घ्या
7 चाचणीशिवाय सॉफ्टवेअर इन्स्टॉल करू नका
8 अज्ञात लिंक तपासा
9 स्पायवेअरपासून सावध रहा