नवी दिल्ली । जर आपण पेटीएम वापरत असाल तर आपल्यासाठी एक चांगली बातमी आहे. पेटीएम आता आपल्या युझर्ससाठी उत्तम सुविधा पुरवित आहे. पेटीएम आता आपल्या ग्राहकांना 2 लाख रुपयांपर्यंतची लोन सुविधा देत आहे. यासाठी जास्त त्रास होणार नाही किंवा आणखी कोणतीही कागदपत्रे लागणार नाहीत. पेटीएम आपल्या लाखो ग्राहकांना दोन लाख रुपयांपर्यंतचे लोन सोप्या पद्धतीने देत आहे. अलीकडेच कंपनीने इन्स्टंट पर्सनल लोन सर्विस सुरू केली आहे. कंपनीने लोनच्या अर्जासाठी संपूर्ण प्रक्रिया डिजिटल केली आहे आणि बँकेला माहिती असणारी कागदपत्रे सादर करण्याची आवश्यकता नाही. ग्राहक अवघ्या काही मिनिटांतच लोन घेऊ शकतात. चला तर मग यासाठीची प्रक्रिया काय आहे ते जाणून घेऊयात …
घरबसल्या लोन उपलब्ध होईल
पेटीएम लोन ची प्रक्रिया पूर्णपणे ऑनलाइन आहे. लोन घेण्यासाठी ग्राहकांना घराबाहेर जावे लागणार नाही. आता आपण आपल्या मोबाइलवरून घरबसल्या कर्जासाठी अर्ज करू शकता. कर्ज मिळण्याची संपूर्ण प्रक्रिया अवघ्या 2 मिनिटांची आहे. या प्रक्रियेच्या काही मिनिटांतच आपल्या खात्यात पैसे जमा केले जातील.
अशा प्रकारे लोन साठी अर्ज करा
इन्स्टंट पर्सनल लोन घेण्यासाठी ग्राहकाने पेटीएम अ‍ॅपवर जाऊन फायनान्स सर्व्हिस पर्यायातील ‘पर्सनल लोन’ टॅबवर क्लिक करून अर्ज करावा लागेल. यानंतर, आपल्याला विनंती केलेली माहिती द्यावी लागेल आणि आपली पात्रता दिसून येईल आणि त्यानंतर आपल्या खात्यात पैसे ट्रान्सफर केले जातील. पेटीएमने 400 हून अधिक ग्राहकांना पर्सनल लोन वितरितही केले आहे. आर्थिक वर्ष संपेपर्यंत कंपनी 10 लाख लोकांना र्सनल लोन देण्याचे लक्ष्य ठेवले आहे.