हॅलो महाराष्ट्र ऑनलाईन । भारत आणि चीन यांच्यात सुरू असलेल्या सीमा वादामुळे नॅशनल हायवे अथॉरिटी ऑफ इंडियाने एका चिनी कंपनीला अपात्र ठरविले आहे. वस्तुतः पश्चिम बंगालमधील गंगा नदीवर बांधत असलेल्या एका पुलाचा गार्डर पडल्याच्या बाबतीत ही कंपनी जबाबदार असल्याचे दिसून आले. हेच कारण आहे की, आता ही कंपनी पुढील तीन वर्ष NHAI च्या कोणत्याही प्रकल्पात भाग घेऊ शकणार नाही. यासह अन्य तीन सल्लागारांनाही (Consultants)निलंबित केले गेले आहे.
या प्रकरणाच्या चौकशीत अडकली कंपनी
NHAI कडून मिळालेल्या माहितीनुसार, पश्चिम बंगालमधील NH 34 वरील फरक्का रानीगंजच्या भागाचे चौपदरीकरण करण्यात आले असून या भागात गंगा नदीवर पूल बांधला जात आहे. गार्डच्या लॉन्चिंग दरम्यान त्याच पुलावरून 16 फेब्रुवारी रोजी एक अपघात झाला ज्यामध्ये दोन जणांना आपला जीव गमवावा लागला. या प्रकरणात, पुलाच्या तज्ञांकडून तपास केला गेला. तपासणी प्रक्रियेत ही चिनी कंपनी देखील जबाबदार असल्याचे दिसून आले.
NHAI च्या मते, प्रकल्प राबविणारी चिनी कंपनी, कियान कियांग कन्स्ट्रक्शन इंजिनिअरिंग ग्रुप कंपनी लिमिटेड आणि स्थानिक कंपनी आरकेईसी प्रोजेक्ट लिमिटेड यांना संयुक्तपणे भविष्यातील कोणत्याही प्रकल्पात भाग घेण्यास मनाई केली गेली आहे.
या लोकांच्या बेजबाबरदार पणामुळे पूल पडला होता
या प्रकल्पातील अपघातानंतर NHAIने या प्रकरणाची चौकशी करण्यासाठी पुल तज्ञाची नेमणूक केली. या तपासणीत तज्ञाला या घटनेला जबाबदार कंत्राटदार, डिझाइन सल्लागार आणि लॉन्चिंग गार्डचे डिझाइनर यांच्यात समन्वयाचा अभाव आढळला. तपासणीत कंत्राटदार आणि सल्लागारास डिझाइन आणि लॉन्चिंग गार्डर सिस्टममधील दोषांसाठी दोषी ठरवण्यात आले. तपासणी दरम्यान त्यांना या अपयशाचे कोणतेही ठोस असे कारण देता आलेले नाही.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”