नवी दिल्ली । परड्यू युनिव्हर्सिटीमध्ये शिक्षण घेतलेल्या-34 वर्षीय भारतीय वंशाच्या एरोनॉटिकल इंजिनीअर सिरीशा बंडला आता अंतराळात जाणारी तिसरी भारतीय महिला म्हणून ओळखली जाईल. भारतासाठी ही अभिमानाची बाब आहे की, जेव्हा युकेचे अब्जाधीश रिचर्ड ब्रॅन्सनची कंपनी Virgin Galatic चे SpaceShipTwo Unity अंतराळासाठीचा प्रवास सुरू करेल, तेव्हा सिरीशा बंडलादेखील यात सामील होतील. सिरीशापूर्वी कल्पना चावला आणि सुनीता विल्यम्स यांनी ही कामगिरी केली आहे. आंध्र प्रदेशातील गुंटूरमध्ये जन्मलेल्या आणि अमेरिकेच्या टेक्सासमधील ह्युस्टनमध्ये वाढलेल्या सिरीशा रिचर्ड ब्रॅन्सन अन्य पाचजणांसह अंतराळयात्रेमध्ये असतील.
सिरीशा म्हणाली, “मी युनिटीच्या शानदार क्रू आणि सर्वांना अंतराळयात्रे साठी संधी उपलब्ध करुन देण्याचे काम करत असलेल्या कंपनीचा भाग असल्याचा मला आनंद झाला आहे. ती पुढे म्हणाली की,”याद्वारे वेगवेगळी पार्श्वभूमी, वेगवेगळे प्रदेश आणि वेगवेगळे समुदाय अंतराळात नेण्यासाठी खूप चांगली संधी आहे.”
सिरीशाला अंतराळवीर व्हायचे होते
अमेरिकेतून भारतात आल्यानंतर सिरीशाने आपले बालपण ह्यूस्टनमधील नासाच्या जॉन्सन स्पेस सेंटरजवळ घालवले आणि नेहमीच अंतराळवीर व्हावे अशी तिची इच्छा होती. तथापि, दृष्टी कमी असल्याने ती पायलट किंवा अंतराळवीर होण्याचे स्वप्न पूर्ण करू शकली नाही. तिने परड्यू युनिव्हर्सिटीमधून एरोनॉटिकल इंजिनिअरिंग केले आहे.
सिरीशा म्हणाली की,” जेव्हा मला समजले तेव्हा मी अवाकच झाले”
या फ्लाइटमध्ये सिरीशाची भूमिका एका संशोधकाची असेल आणि ती मानवी अनुभवाशी संबंधित संशोधन करेल. यासाठी फ्लोरिडा विद्यापीठाचा एक एक्सपेरिमेंट वापरला जाईल. स्वत: रिचर्ड ब्रॅन्सन यांनी त्यांच्या ट्विटर हँडलवर त्यांच्याबरोबर आलेल्या टीम मेम्बरची ओळख पोस्ट केली आहे. यात सिरीशा म्हणाली की,” जेव्हा मला ही संधी मिळाली आहे हे कळले त्यावेळी मी अवाक झाले. रिचर्डने आपल्या इंट्रोमध्ये लिहिले असताना, “आम्ही स्वतःहून काही मोठे करण्यासाठी येथे आलो आहोत. अंतिम स्वप्न म्हणजे एका दिवसासाठी सर्वांसाठी अंतराळ प्रवास करणे. मुख्य अंतराळवीर प्रशिक्षक बेथ मोसेस. @VirginGalactic मिशनच्या तज्ञांना भेटा जे आमचे पुढील मिशन स्पेसफ्लाइट #Unity22 साठी माझ्याबरोबर केबिनमध्ये असतील.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा