नवी दिल्ली । रेल्वे प्रवाश्यांसाठी आता रेल्वेची तिकिटे बुकिंग करणे अत्यंत सोपे होईल. तसेच, वेळेची बचतही होईल आणि जर एखाद्या प्रवाशाने आपले तिकिट रद्द केले तर त्याचे रिफंडही त्वरित त्याच्या खात्यात येईल. यासाठी इंडियन रेल्वे टूरिज्म अँड केटरिंग कॉर्पोरेशनने (IRCTC) आपली वेबसाइट अपग्रेड केली तसेच स्वतःचे पेमेंट गेटवे IRCTC-iPay सुरू केले.युझर्ससाठी ते लाईव्ह केले गेले आहे.
याचा तुम्हाला कसा फायदा होईल जाणून घ्या
IRCTC-iPay अंतर्गत आयआरसीटीसी वेबसाइट / मोबाइल अ‍ॅप वापरणाऱ्यांना त्वरित रिफंडही मिळेल. या सुविधेमध्ये आपल्याला आपल्या यूपीआय बँक खात्यातून किंवा पेमेंट देण्याच्या अन्य माध्यमांमधून एकदाच डेबिटसाठी परवानगी द्यावी लागेल. त्यानंतर पेमेंट इन्स्ट्रुमेंट पुढील व्यवहारांसाठी अधिकृत केले जाईल. यानंतर, जेव्हा आपण तिकिट रद्द कराल तेव्हा आपल्या खात्यात रिफंडही त्वरित जमा होईल.
IRCTC च्या या सुविधेअंतर्गत दररोज तिकिट बुक करणार्‍या लाखो प्रवाशांना अनेक सुविधा मिळतील. यामुळे केवळ तिकिटे त्वरित बुक होणार नाहीत तर कन्फर्म तिकीट मिळण्याची शक्यताही वाढेल.
पूर्वी रिफंड मिळण्यास उशीर होता
यापूर्वी प्रवासी रेल्वेचे तिकिट बुक करत असल्यास आणि तिकीट कन्फर्म न झाल्यास किंवा इतर कोणत्याही कारणांमुळे जर त्याने तिकिट रद्द केले तर त्याच्या रिफंडचे पैसे येण्यासाठी 1-2 दिवस लागायचे. कारण आतापर्यंत IRCTC ने बँकांचे गेटवे वापरले होते, त्यामुळे पेमेंट करण्यास वेळ लागत होता. तथापि, आता आयआरसीटीसीने आपली वेबसाइट अपग्रेड केली आहे.
IRCTC काय म्हणणे आहे ते जाणून घ्या
आयआरसीटीसीच्या मते, पंतप्रधान नरेंद्र मोदी यांच्या आत्मनिर्भर भारताच्या दृष्टीकोनातून युझर इंटरफेस अपग्रेड केले गेले आहे. ही इंटरनेट तिकीट वेबसाइट आशिया पॅसिफिकमधील सर्वात मोठी ई-कॉमर्स वेबसाइट बनली आहे. भारतीय रेल्वेच्या आरक्षित तिकिटांपैकी 83 टक्के तिकिटे आयआरसीटीसीवर बुक केले जात आहेत. तसंच याचा वापर करणे अधिक सुलभ करण्यासाठी आम्ही त्यात सतत सुधारणा करीत आहोत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.