हॅलो महाराष्ट्र ऑनलाइन | पुणे महापालिका आवारात भाजप नेते किरीट सोमय्या यांच्यावर शिवसैनिकानी हल्ला केला. या घटनेत सोमय्या जखमी होऊन त्यांच्यावर पुण्यात उपचार सुरू आहेत. या संपूर्ण प्रकरणावर भाष्य करताना किरीट सोमय्या यांनी मुख्यमंत्री उद्धव ठाकरे यांच्या वर टीका केली. उद्धव ठाकरे यांच्या आदेशावरून माझ्यावर हल्ला करण्यात आला असा आरोप त्यांनी केला.
किरीट सोमय्या म्हणाले, काल जे पुणे महापालिकेत माफीयासेनेनी गुंडगिरी केली होती. ते त्यांचे अध्यक्ष उद्धव ठाकरे यांच्या आदेशावरून केली होती. पुणे पोलिसांकडे तक्रार देणार आहे ती त्यांना पोलिसांपर्यंत घेऊ द्यायची नाही म्हणून हा सगळा खटाटोप सुरू आहे.
या सर्व प्रकरणाच्या पार्श्वभूमीवर मी येत्या गुरुवारी दिल्लीत जाणार आहे आणि राष्ट्रीय डिझास्टरचे प्रमुख आणि पंतप्रधान नरेंद्र मोदी यांच्याकडे या हल्ल्याची तक्रार करणार आहे असेही सोमय्या यांनी म्हंटल. दरम्यान, सोमय्यांच्या या आरोपांना शिवसेनेकडून काय प्रत्युत्तर येत हे पाहावे लागेल.
