नवी दिल्ली । सरकार मार्चअखेर LIC चा IPO बाजारात आणण्यास उत्सुक आहे, मात्र त्याहूनही जास्त गुंतवणूकदार उत्सुक आहेत. सरकारने पॉलिसीधारकांसाठी सवलत जाहीर केल्यापासून, डिमॅट खाते उघडणाऱ्यांचा पूर आला आहे. LIC चा IPO लॉन्च करण्याची सरकार जितकी तयारी करत आहे, तितकीच गुंतवणूकदारही आपली तयारी लवकरात लवकर पूर्ण करत आहेत. यामुळे जानेवारी महिन्यातच 34 लाख नवीन डिमॅट खाती उघडण्यात आली असून फेब्रुवारीमध्ये ही संख्या आणखी वाढण्याची शक्यता आहे.
पॉलिसीधारकांसाठी राखीव कोटा
सरकारने LIC पॉलिसीधारकांसाठी देखील IPO कोटा राखून ठेवला आहे. पॉलिसीधारकांना IPO मध्ये जारी केलेल्या एकूण शेअर्सपैकी 10 टक्के स्वतंत्रपणे मिळतील. याशिवाय IPO मधील शेअर्सच्या मूल्यावरही सूट दिली जाईल. यामुळेच पॉलिसीधारक जास्तीत जास्त डीमॅट खाती उघडत आहेत जेणेकरून त्यांना या संधीचा फायदा घेता येईल.
ब्रोकर्सही योजना राबवत आहेत
पॉलिसीधारक आणि रिटेल गुंतवणूकदारांना आकर्षित करण्यासाठी ब्रोकर्सही विविध योजना राबवत आहेत. ब्रोकर्स, डिजिटल आणि ट्रेडिशनल दोन्ही पॉलिसीधारकांना डिमॅट खाती उघडण्यासाठी गिफ्ट व्हाउचरसह विविध सवलती देत आहेत. LIC चा IPO द्वारे सरकार सुमारे 1 लाख कोटी रुपये उभारण्याच्या तयारीत असल्याचा अंदाज विश्लेषक व्यक्त करत आहेत.
कंपनीचे एजंटही संधीची वाट पाहत आहेत
LIC च्या एजंटचे म्हणणे आहे की,”त्यांना गुंतवणुकीपेक्षा कंपनीशी अधिक भावनिक जोड आहे आणि तो ही संधी कोणत्याही प्रकारे जाऊ देऊ इच्छित नाही. आमच्यासाठी ही एक मोठी संधी असेल की,आम्हीही LIC च्या शेअर्सचे मालक होऊ.” विशेष म्हणजे देशभरात LIC शी जवळपास 13 लाख एजंट संबंधित आहेत.