LPG Connection आता तुम्ही घरबसल्या करू शकाल मोफत एलपीजी गॅस कनेक्शनसाठी अर्ज, त्यासाठीची प्रक्रिया काय आहे ते जाणून घ्या

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

नवी दिल्ली । LPG कनेक्शन मिळवण्यासाठी लोकांना पाच ते सहा हजार रुपये खर्च करावे लागतात जरी हे कनेक्शन फ्री मध्ये उपलब्ध असले तरीही. वास्तविक, सरकारची एक योजना आहे, ज्या अंतर्गत लोकांना मोफत एलपीजी गॅस कनेक्शन दिले जाते. या योजनेचे नाव आहे प्रधानमंत्री उज्ज्वला योजना.

सरकारी तेल कंपन्या उज्ज्वलाच्या दुसऱ्या टप्प्याचा अंतिम मसुदा तयार करत आहेत. जर तुम्हाला देखील या सुविधेचा लाभ घ्यायचा असेल तर आता तुम्ही घरबसल्या अर्ज करू शकाल. या योजनेअंतर्गत आता ती लोकंही एलपीजी कनेक्शन घेऊ शकतील ज्यांच्याकडे पर्मनन्ट ऍड्रेस नाही आहे.

कोण फायदा घेऊ शकतो हे जाणून घ्या?
या योजनेचा लाभ शहरांमध्ये राहणाऱ्या गरीबांना दिला जाईल. यासोबतच, देशाच्या विविध भागांमध्ये नोकरीमुळे जागा बदलणाऱ्यांनाही या योजनेचा लाभ मिळेल. अर्थमंत्री निर्मला सीतारामन (FM nirmala sitharaman) यांनी या योजनेअंतर्गत 1 कोटी गॅस कनेक्शन देण्याची घोषणा आधीच केली आहे.

2016 ची आहे ‘ही’ योजना
पंतप्रधान नरेंद्र मोदी यांनी 1 मे 2016 रोजी प्रधानमंत्री उज्ज्वला योजना सुरू केली. धुरामुळे होणारे नुकसान लक्षात घेऊन सरकारने महिलांसाठी मोफत गॅस सिलिंडर कनेक्शन देण्याची योजना आखली होती. या योजनेअंतर्गत तुम्ही घरबसल्या मोफत एलपीजी सिलेंडर कनेक्शनसाठी अर्ज करू शकता. यासाठीच्या अर्जदार महिलेचे वय 18 वर्षांपेक्षा जास्त असावे. तसेच, त्यांच्याकडे बँक खाते आणि बीपीएल कार्ड असावे.

ऑनलाईन अर्ज कसा करावा ?
>> तुम्हाला आधी अधिकृत वेबसाइटवर जावे लागेल.
>> http://pmujjwalayojana.com वर क्लिक करा.
>> होमपेजवरील डाउनलोड फॉर्मवर जा आणि त्यावर क्लिक करा.
>> डाऊनलोड फॉर्मवर क्लिक केल्यानंतर पीएम उज्ज्वला योजनेचा फॉर्म येईल.
>> आता फॉर्ममध्ये तुमचे नाव, ई-मेल आयडी, फोन नंबर आणि कॅप्चा भरा.
>> आता OTP जनरेट करण्यासाठी बटणावर क्लिक करा.
>> त्यानंतर फॉर्म डाउनलोड करा.

फॉर्म जवळच्या एलपीजी गॅस एजन्सीला सबमिट करा
आता तुम्हाला हा फॉर्म तुमच्या जवळच्या एलपीजी एजन्सीकडे जमा करावा लागेल. यासह, आपल्याला आधार कार्ड, स्थानिक पत्त्याचा पुरावा, बीपीएल रेशन कार्ड आणि फोटो इत्यादी कागदपत्रे द्यावी लागतील. कागदपत्र पडताळल्यानंतर तुम्हाला एलपीजी गॅस कनेक्शन मिळेल.

Leave a Comment