हॅलो महाराष्ट्र्र ऑनलाईन । मुंबईतील दादर येथील छबीलदास शाळेत ४ गॅस सिलिंडरचा स्फोट झाल्याची धक्कादायक घटना घडली आहे. या स्फोटात ३ जण जखमी झाल्याची माहिती समोर आली आहे. हा स्फोट नेमका कसा झाला याबाबत अद्याप स्पष्टता समोर आलेली नाही. जखमींना तातडीने रुग्णालयात दाखल करण्यात आले आहे.
बुधवारी पहाटे ५च्या सुमारास दादरमधील छबीलदास शाळेतील एलपीजी सिलेंडरचे स्फोट झाले. या सिलिंडर स्फोटाची तीव्रता जास्त होती. या भीषण स्फोटामुळे शाळेचा दुसरा मजला उध्वस्त झाला आहे आणि भिंतींनाही तडे गेले आहेत. याशिवाय काचांचे तुकडे परिसरात विखुरलेले आहेत.
Maharashtra | Fire broke out on the terrace of Chhabildas English Medium School in Mumbai today due to an explosion in an LPG gas cylinder. Three people got injured & admitted to Sion Hospital. Two cars parked on the school premises damaged: BMC
— ANI (@ANI) November 2, 2022
स्फोटामुळे आग लागून या आगीमध्ये छबिलदास शाळेच्या कॅन्टीनमध्ये झोपलेले केटरिंगचे काम करणारे कामगार 1) भरत माधव सिंग जारंग, वय 25 वर्ष, हा जखमी झाला असून 2) जावेद अली मोहम्मद सज्जाद अली, 38 वर्ष, याच्या डोक्याला मार लागला आहे. या सर्वाना तातडीने रुग्णालयात दाखल केले असून त्यांच्यावर उपचार सुरु आहेत. पोलीस सध्या या संपूर्ण दुर्घटनेची कसून चौकशी करत आहेत.
