हॅलो महाराष्ट्र ऑनलाईन : प्रसिद्ध मराठी दिग्दर्शक महेश मांजरेकर यांनी काही दिवसांपूर्वीच ‘वेडात मराठे वीर दौडले सात’ या चित्रपटाची घोषणा केली. त्यांच्या त्यांच्या या चित्रपटात अभिनेता अक्षय कुमार छत्रपती शिवाजी महाराजांची भूमिका साकारत आहे. त्यावर आक्षेप घेतला जात आहे. तर दुसरीकडे या चित्रपटाच्या स्टार कास्टलाही विरोध केला जात आहे. कारण या चित्रपटात सात मावळ्यांपैकी एका मावळ्याच्या भूमिकेत महेश मांजरेकर यांचा मुलगा सत्या मांजरेकर दिसणार आहे. सत्या हा मांजरेकरांचा मुलगा. तो सध्या चांगलाच चर्चेत आहे. तो सध्या एका मुलीला डेट करत असल्याची चर्चा केली जात आहे.
एका दिग्दर्शकाचा मुलगा म्हणून सत्यच्या भूमिकेला विरोध केला जात आहे. छत्रपती शिवरायांचा मावळा म्हणून सत्या मांजरेकर भूमिकेत योग्य वाटत नसल्याचे अनेकांचे म्हणणे आहे. अशात आता सत्या पुन्हा एकदा चर्चेत आला आहे. तो म्हणजे काही महिन्यांपूर्वीच त्याच्या इन्स्टाग्रामवर त्याने एका मुलीबरोबर फोटो शेअर केला होता. ज्यामुळे तो या मुलीला डेट करत असल्याच्या चर्चांना उधाण आले आहे. या फोटोवरील कॅप्शनमुळे सत्याला अनेकांनी रिलेशनशिपबाबत प्रश्नही विचारले आहेत.
https://www.instagram.com/p/CUkbVOmN0I3/?utm_source=ig_web_copy_link
सत्याने इन्स्टाग्रामवर जिच्याबरोबर फोटो शेअर केले आहेत त्या मुलीचं नाव श्रुतिका शिंदे असे आहे. श्रुतिकाबरोबरचा फोटो शेअर करताना त्याने या फोटोला “फॉरएव्हर अँड ऑलवेज” असे कॅप्शन दिले आहे. श्रुतिकाबरोबर सत्यने इन्स्टाग्रामवर आणखीही काही फोटो शेअर केले आहेत. पण या फोटोवर त्याचे कॅप्शन पाहून एका युजरने त्याला “तू तिला डेट करतोयस का?” असा प्रश्न विचारला होता. यावर उत्तर देताना सत्यने, “ती माझी चांगली मैत्रीण आहे” असे लिहिले आहे.
‘या’ चित्रपटांत साकारल्या आहेत भूमिका
प्रसिद्ध मराठी दिग्दर्शक महेश मांजरेकर यांचा मुलगा सत्याने अनेक चित्रपटात काम केले आहे. त्याने बालकलाकार म्हणून त्याच्या करिअरची सुरुवात केली होती. 1995 मध्ये प्रदर्शित झालेल्या ‘आई’ या चित्रपटात तो दिसला होता. त्यानंतर त्याने ‘जाणिवा’, ‘पोरबाजार’ या चित्रपटांमध्ये काम केले. याशिवाय त्याने ‘फन अनलिमिटेड’, ‘वाह लाइफ हो तो ऐसी’, ‘1962 द वॉर इन द हिल्स’ या चित्रपटांमध्ये काम केले आहे.