हॅलो महाराष्ट्र ऑनलाइन | देशात आणि राज्यात कोरोनाने हाहाकार केला असून कोरोना रुग्णसंख्येत लक्षणीय वाढ झाली आहे. याच पार्शवभूमीवर पश्चिम बंगाल येथे कडक निर्बंध केले असून राज्यात पण मुख्यमंत्री उद्धव ठाकरे पश्चिम बंगालसारखा निर्णय घेण्याची शक्यता आहे असे म्हणत मदत व पुनर्वसन मंत्री विजय वडेट्टीवार यांनी लॉकडाउनचा सूचक इशारा दिला आहे
पश्चिम बंगाल येथे शाळा वगैरे सगळं बंद करण्याचा निर्णय घेतला आहे. महाराष्ट्रात पण रुग्णसंख्येत वाढ होत असून राज्याचे मुख्यमंत्री उद्धव ठाकरे हे राज्यात देखील पश्चिम बंगाल सारखा निर्णय घेण्याची शक्यता आहे असे विजय वडेट्टीवार यांनी सांगितले. काही ठिकाणी कँटोनमेन्ट झोन तयार केली जातील आणि त्याच्या बाहेर लोकांना प्रावेश करता येणार नाही तसेच गर्दी कुठेही होणार नाही याची काळजी घ्यावी लागेल. शाळा आणि रेल्वे हे निर्णय लॉकडाऊनमध्ये होत असतात. रेल्वेमध्ये गर्दी होत आहे. त्यावर मुख्यमंत्री गंभीर आहेत पण तो निर्णय कॅबिनटेमध्ये होईल. कॅबिनेटमध्ये चर्चा होईल परंतु निर्बंधांबाबतचा निर्णय अपेक्षित असल्याचे विजय वडेट्टीवार म्हणाले
कोरोनाच्या रुग्णसंख्येत वाढ होत असून काल १० हजार रुग्णसंख्या झाली होती. अशा परिस्थितीत १५ ते १८ वयोगटातील मुलांचे लसीकरण व्हावे यासाठी आमची संपूर्ण यंत्रणा सज्ज आहे असे वडेट्टीवार यांनी सांगितले. महाराष्ट्र सरकारने या मुलांच्या लसीकरणाची मोहीम हाती घेतली असून लवकरात लवकर लसीकरण पूर्ण होईल असा विश्वास त्यांनी व्यक्त केला
