सांगली प्रतिनिधी । प्रथमेश गोंधळे
मिरजेतील महापलिकेचा दवाखाना आणि सांगलीतील महापलिकेचे डायग्नोस्टिक सेंटर तीन दिवसासाठी बंद करण्यात आले आहे. कोरोना बाधित व्यक्ति संपर्कात आल्याने महापलिकेचे दवाखाने बंद केले आहेत. या हॉस्पिटल मधील कर्मचाऱ्यांना सध्या होमकॉरंटाईन करण्यात आलेले आहे. या सर्व कर्मचाऱ्यांनी पीपीई किट वापरले असल्याने त्यांना कोणताही धोका नसल्याचं महापालिकेच्या उपायुक्त स्मृती पाटील यांनी सांगितलं.
मिरजेतील ६८ वर्षीय कोरोना बाधित महिला तब्येत बिघडल्याने ती महिला महापालिकेच्या फिव्हर क्लिनिक मध्ये दाखवण्यासाठी गेली होती. तिथल्या डॉक्टरांना लक्षणे ठीक नसल्याचे निदर्शनास येताच तिला तपासणीसाठी मिरजेतील कोरोना रुग्णालयात पाठवले असता तिचा कोरोना रिपोर्ट पॉझिटिव्ह आला होता. सदरची महिला हि महापालिकेच्या हॉस्पिटलच्या संपर्कात आल्याने मिरजेतील महापालिकेचा दवाखाना तीन दिवसा साठी सील केला आहे. याठिकाणी निर्जंतुकीकरणाचे काम सध्या सुरु आहे.
सांगलीतील फौजदार गल्ली येथील महिलेला त्रास होत असल्याने ती महिला चार दिवस महापालिकेच्या डायग्नोस्टिक सेंटर मध्ये उपचारासाठी जात होती. मात्र तिची तब्येत ठीक होत नसल्याचे निदर्शनास येताच डॉक्टरांनी तिला मिरज सिव्हिलला दाखवण्याचा सल्ला दिला. त्या महिलेची मिरज कोरोना रुग्णालयात तपासणी केल्यानंतर तीही कोरोनाबाधित निघाल्याने सांगलीतील महापालिकेचे डायग्नोस्टिक सेंटर ३ दिवस बंद केले आहे. सांगली येथील महापालिकेच्या डायगणोस्टीक सेंटर आणि मिरज महापालिका दवाखान्यातील दोन डॉक्टर आणि सहा कर्मचारी यांना होम क्वांरणटाईन केले आहे. अशी माहिती महापलिका उपायुक्त स्मृती पाटिल यांनी दिली आहे.
