हॅलो महाराष्ट्र ऑनलाइन | शरद पवारांना माढ्यातून घरी पाठवलं अस वक्तव्य भाजपचे प्रदेशाध्यक्ष चंद्रकांत पाटील यांनी केल्यानंतर राष्ट्रवादी आक्रमक झाली असून राष्ट्रवादी काँग्रेसचे विधानपरिषदेचे आमदार अमोल मिटकरी यांनी चंद्रकांत पाटलांवर सडकून टीका केली आहे .चंद्रकांत पाटलांनी मानसोपचार तज्ज्ञाला दाखवावे अशी टीका अमोल मिटकरींनी केली.
चंद्रकात पाटलांना माझी एक लहान भाऊ म्हणून विनंती आहे की, मानसोपचार तज्ज्ञाला दाखवा. कारण हल्ली त्यांनी केलेलं हे वक्तव्य मानसिक संतुलन ढासळल्याचे प्रकार आहेत, असे अमोल मिटकरी यांनी म्हंटल. चंद्रकांत पाटलांना पदवीधर मतदार संघात पळता भूई थोडी झाली आणि कोल्हापूरकरांनी तिथून हाकलल्यामुळं तुम्हाला कोथरूडसारखा मतदारसंघ शोधावा लागला, अशी टीका अमोल मिटकरी यांनी केली आहे.
राजकारणातील छक्के पंजे तुम्हाला जरूर कळत नसतील पण हेलिकॅप्टर शाॅट मारून मॅच कशी जिंकायची हे पवार साहेबांना कळतं. त्यामुळे पवार साहेबांना आणि राष्ट्रवादीला संपवण्याचा चुकूनही विचार मनात आणू नका. हे विचार मनात आणता आणता तुम्ही किती संपताय हे लोकांच्या लक्षात येताय, अशी टीका देखील मिटकरींनी केली आहे.