सातारा प्रतिनिधी। शुभम बोडके
ज्येष्ठ कीर्तनकार बंडातात्या कराडकर यांनी राष्ट्रवादी काँग्रेसच्या खासदार सुप्रिया सुळे व भाजप नेत्या पंकजा मुंडे यांच्याबाबत आक्षेपार्ह वक्तव्य केले. याच्या निषेधार्थ आज पुण्यात राष्ट्रवादी काँग्रेसच्यावतीने अंदोलन केसात आले. त्याचे पडसाद सातारा येथेही उमटले. सातारा येथील पोवई नाका परिसरात राष्ट्रवादी काँग्रेस, काँग्रेससह इतर पक्षातील महिला पदाधिकाऱ्यांच्यावतीने निषेध आंदोलन करण्यात आले.
सातारा येथे आज राष्ट्रवादी काँग्रेस आणि काँग्रेसच्या महिला पदाधिकाऱ्यांनी एकत्रित येत निषेध आंदोलन केले. यावेळी राष्ट्रवादी काँग्रेसच्या महिला पदाधिकाऱ्यांनी भारतातील सर्व महिलांची जाहीर स्वरूपाची माफी मागावी. त्यांनी जर माफी मागितली नाही तर आम्ही संपूर्ण देशभर तीव्र स्वरूपाचे आंदोलन करू असा इशारा दिला.
संसदेत खासदार असलेल्या सुप्रियाताई सुळे याचा संसदेत अनेकवेळा गौरव झालेला आहे. तो बंडातात्यांनी कधी पाहिलाही नसेल. कारण ते भलत्याच कोणत्या नशेत वावरत असले पाहिजे असावेत. त्यामुळे त्यांना कळलेले नाही कि पंकजा मुंडे आणि सुप्रिया सुळे या काय आहेत, अशा प्रकारची प्रतिक्रिया महिला अपदाधिकाऱ्यानी यावेळी दिली. दरम्यान, सातारा या ठिकाणी करण्यात आलेल्या निषेध आंदोलनात काँग्रेसच्या महिला पदाधिकाऱ्यांनीही सहभाग घेतला. यावेळी सातारा येथील पोवई नका येथे महिला पधाधिकाऱ्यानी एकत्रित येत जोरदार घोषणाबाजीही केली.
