नवी दिल्ली । सध्या संपूर्ण जग ओमिक्रॉनच्या धोक्याचा सामना करत आहे तर अनेक ठिकाणी डेल्टा व्हेरिएन्ट देखील दहशत निर्माण करत आहेत. अशा स्थितीत चीनकडून नवीन व्हेरिएन्ट समोर आल्याची चर्चा होते आहे. हा व्हेरिएन्ट मिडल ईस्ट रेस्पिरेटरी सिंड्रोम (MERS) चे म्यूटेशन असल्याचे म्हटले जाते. MERS-CoV हा तो विषाणू आहे ज्यामुळे 2012 आणि 2015 मध्ये मिडल ईस्ट मधील देशांमध्ये उद्रेक झाला. NeoCoV नावाच्या या व्हेरिएन्टबाबत शास्त्रज्ञांनी चीनमध्ये चेतावणी जारी केली आहे.
‘या’ विषाणूमुळे होणाऱ्या मृत्यूचे प्रमाण खूप जास्त आहे
एका अभ्यासात असे दिसून आले आहे की, NeoCoV आणि त्याचा जवळचा साथीदार PDF-2180-CoV वटवाघुळांच्या अँजिओटेन्सिन एन्झाइम 2 आणि मानवांच्या ACE 2 विषाणूचा वापर करून मानवी शरीरात प्रवेश करू शकतो. शास्त्रज्ञांनी चेतावणी दिली आहे की, हा नवीन कोरोना विषाणू ACE2 रिसेप्टर कोविड-19 पेक्षा वेगळ्या पद्धतीने वापरू शकतो. या विषाणूमुळे मृत्यूचे प्रमाणही खूप जास्त असू शकते. असे मानले जात आहे कि याची लागण झालेल्या दर तीनपैकी एकाचा मृत्यू होऊ शकेल, .
मात्र, NeoCov विषाणूसंदर्भात वेक्टर रिसर्च सेंटरमधील काही तज्ज्ञांचे असे मत आहे की, चीनमधील डेटा पाहता असे दिसते की, सध्या हा विषाणू मानवांमध्ये पसरण्याचा कोणताही धोका नाही.
शास्त्रज्ञ संशोधन करत आहेत
आत्तापर्यंत या विषाणूची लागण झाल्याची एकही घटना समोर आलेली नाही. शास्त्रज्ञ यावर अधिक संशोधन करण्यात गुंतले आहेत. दरम्यान, जागतिक आरोग्य संघटनेने या नवीन विषाणू म्यूटेशनच्या रिपोर्टला प्रतिसाद दिलेला नाही. मात्र हा रिपोर्टआल्यानंतर जगभरात तणावाचे वातावरण निर्माण झाले