नवी दिल्ली । आता ATM मधून पैसे काढणे अधिक महाग होणार आहे. दिलेल्या मर्यादेपेक्षा ग्राहकांनी ATM मधून जास्त पैसे काढल्यानंतर बँका शुल्क आकारू शकतात. रिझर्व्ह बँक ऑफ इंडियाने (RBI) अलीकडेच बँकांना ऑटोमॅटिक टेलर मशिन्स (ATM) वर प्रत्येक ट्रान्सझॅक्शन वरील शुल्क 21 रुपये करण्याची परवानगी दिली आहे. हे सुधारित दर 1 जानेवारी, 2022 पासून लागू होतील.
ग्राहक त्यांच्या बँकेच्या एटीएममधून दरमहा पाच फ्री ट्रान्सझॅक्शन करू शकतात. यात आर्थिक आणि गैर-आर्थिक दोन्ही ट्रान्सझॅक्शनचा समावेश आहे. जर ते ओलांडले तर त्यांना प्रत्येक एटीएम ट्रान्सझॅक्शनसाठी 20 रुपये अतिरिक्त रक्कम द्यावी लागेल. अन्य बँकांचे एटीएम वापरणाऱ्या ग्राहकांना रोख रक्कम काढण्यासाठी मेट्रो शहरांमध्ये तीन आणि मेट्रो नसलेल्या शहरांमध्ये पाच फ्री एटीएम ट्रान्सझॅक्शनची परवानगी आहे.
इंटरचेंज फीसाठी नवीन नियम 1 ऑगस्टपासून लागू होतील
जून 2019 मध्ये, RBI ने एटीएमच्या ट्रान्सझॅक्शनच्या इंटरचेंज रचनेवर विशेष लक्ष केंद्रित करून एटीएम शुल्काचे पुनरावलोकन करण्यासाठी एक समिती स्थापन केली होती. RBI ने एटीएम ट्रान्सझॅक्शनसाठीची इंटरचेंज फी 15 रुपयांवरून 17 रुपयांपर्यंत वाढविली आणि आर्थिक-गैरआर्थिक ट्रान्सझॅक्शनसाठी 5 रुपयांवरून 6 रुपयांपर्यंत वाढ केली. नवीन दर 1 ऑगस्ट 2021 पासून लागू होतील. RBI च्या मते, इंटरचेंज फी क्रेडिट कार्डे किंवा डेबिट कार्ड्सद्वारे पेमेंटवर प्रक्रिया करणाऱ्या व्यापाऱ्यांना बँकांकडून आकारली जाणारी फी आहे.
SBI नेही सेवा शुल्कात बदल केला आहे
स्टेट बँक ऑफ इंडियाने (SBI) अलीकडेच जुलैच्या सुरूवातीस एटीएम आणि बँक शाखेतून पैसे काढण्यासाठी सेवा शुल्कामध्ये बदल केला आहे. SBI ने BSBD खातेधारकांसाठी नवीन नियम लागू केले आहेत.
SBI च्या म्हणण्यानुसार, BSBD खाते असलेले ग्राहक आता केवळ शाखा शुल्क आणि एटीएममधून मर्यादित संख्येने म्हणजेच कोणत्याही सेवा शुल्काशिवाय चार वेळा पैसे काढू शकतील. यानंतर जर एखादा ग्राहक एटीएम किंवा शाखेतून पैसे काढत असेल तर त्याला प्रत्येक व्यवहारासाठी सर्व्हिस चार्ज आणि जीएसटी म्हणून 15 रुपये द्यावे लागतील. SBI शिवाय अन्य कोणत्याही एटीएममधून पैसे काढण्यासाठी हाच नियम लागू असेल.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा