Omicron Variant: बूस्टर डोससाठी कोणती लस जास्त प्रभावी आहे, तज्ञ काय म्हणतात ते जाणून घ्या

नवी दिल्ली । ओमिक्रॉन या देशात कोरोनाव्हायरसच्या नवीन व्हेरिएंटचा धोका झपाट्याने वाढत आहे. दररोज कोरोनाच्या नवीन व्हेरिएंटची लागण झालेल्या रुग्णांची संख्याही वाढत आहे. गेल्या 4 दिवसांबद्दल बोलायचे झाल्यास, ओमिक्रॉनची 21 नवीन प्रकरणे नोंदवली गेली आहेत. कोरोनाच्या दुसऱ्या लाटेत जी परिस्थिती दिसून आली ती पाहिल्यानंतर आता केंद्र सरकार आणि तज्ज्ञ तिसऱ्या लाटेबाबत जागरूक झाले आहेत. कोरोनाचा ओमिक्रॉन व्हेरिएंट पाहता देशात बूस्टर डोसची चर्चा सुरू झाली आहे. केंद्र सरकार आणि आरोग्य मंत्रालय लोकांना कोरोनाचे दोन्ही डोस घेण्याचे आवाहन करत असतानाच बूस्टर डोसबाबतही महत्त्वाची बैठक होत आहे.

ऑक्‍टोबरमध्‍ये हेल्‍थ जर्नल लॅन्सेटच्‍या एका रिसर्चमध्ये म्‍हटले गेले आहे की, सध्‍या बूस्टर डोसची गरज नाही. मात्र तज्ञांनी असेही म्हटले होते की, जर कोरोनाचा नवीन आणि जास्त धोकादायक व्हेरिएंटआढळला तर बूस्टर डोसची आवश्यकता भासू शकेल. अशा परिस्थितीत प्रत्येकाच्या मनात एकच प्रश्न निर्माण होत आहे की कोणती लस बूस्टर डोससाठी जास्त प्रभावी ठरेल. लोकं विचारत आहेत की, जर एखाद्याला Covaxin किंवा Covishield किंवा Sputnik-V चे दोन्ही डोस मिळाले असतील तर त्याला दुसऱ्या कंपनीचा बूस्टर डोस देता येईल का?

या संदर्भात दिल्लीच्या एम्सचे डायरेक्टर रणदीप गुलेरिया यांनी सल्ला दिला की, जर तुम्ही कधी बूस्टर डोस घेण्यासाठी गेलात तर नवीन लस घेणेच जास्त फायदेशीर ठरू शकेल. याचा अर्थ असा की जर तुम्ही Covishield लसीचे दोन्ही डोस घेतले असतील, तर Covaxin हे बूस्टर डोससाठी दिले गेले पाहिजे आणि जर तुम्ही Covaxin चे दोन्ही डोस घेतले असतील तर तुम्ही Covishield चा वापर बूस्टर डोससाठी करावा.

आज होणा-या लसीकरणावरील राष्ट्रीय तांत्रिक सल्लागार गटाच्या (NTAGI) महत्त्वाच्या बैठकीत कमकुवत प्रतिकारशक्ती असलेल्या व्यक्तींना अँटी-कोविड-19 लसीचे बूस्टर डोस देण्याच्या मुद्द्यावर विचार केला जाईल. पूर्वनिश्चित कालावधीनंतर कमकुवत प्रतिकारशक्ती असलेल्या व्यक्तींना अशामुळे अतिरिक्त डोस दिला जातो जेव्हा प्राथमिक लसीकरण संसर्ग आणि रोगास प्रतिबंध करण्यास पुरेसे संरक्षण देत नाही. अलीकडेच, सीरम इन्स्टिट्यूट ऑफ इंडिया (SII) ने कोरोना विषाणू संसर्गाविरूद्ध बूस्टर डोस म्हणून Covishield साठी औषध नियामकाकडून मंजुरी मागितली होती.

Omicron व्हेरिएंटसाठी Covishield चा बूस्टर डोस प्रभावी आहे
कोरोना विषाणूचे Omicron व्हेरिएंट समोर आल्यानंतर लसीच्या बूस्टर डोसची मागणी वाढली आहे, जो पूर्वीच्या डेल्टा व्हेरिएंटपेक्षा जास्त संसर्गजन्य असल्याचे म्हटले जाते आहे. दरम्यान, ICMR च्या शास्त्रज्ञांच्या टीमला अभ्यासात आढळून आले आहे की,अँटी-कोविड लस Covishield चा बूस्टर डोस Omicron विरुद्ध खूप प्रभावी असल्याचे दिसून आले आहे. ICMR च्या मते, कोविशील्ड लस कोरोना विषाणूचे डेल्टा डेरिव्हेटिव्ह निष्प्रभ करण्यास सक्षम आहेत, ज्यामुळे गंभीर आजार आणि मृत्यू टाळता येतात.

 

You might also like