ज्युरिक/नवी दिल्ली : स्विस बँकेतील भारतीयांच्या पैस्यामधे ५० टक्क्यांनी वाढ झाली आहे. पंतप्रधान नरेंन्द्र मोदींनी राबवलेल्या काळा धन अभियानाल यामुळे मोठ्ठा धक्का बसला आहे. २०१७ या वर्षात स्विस बँकेतील भारतीयांच्या ठेवींमधे वाढ होऊन भारतीयांच्या एकुण ठेवींचा आकडा सात हजार कोटी इतका झाला आहे.
स्विस नॅशनल बँकेने सादर केलेल्या अहवालानुसार भारतीयांच्या ठेवींमधे २०१७ मधे ५० टक्क्यांनी वाढ झाली असल्याचे समोर आले आहे. जगभरातील लोकांच्या एकुण ठेवींमधे तीन टक्क्यांनी वाढ झाली असून स्विस बँकेत १०० लाख कोटी रुपये असल्याचे अहवालात म्हणले आहे. पाकिस्तानी लोकांच्या ठेवींत २१ टक्क्यांची घट होऊनसुद्धा एकुण ठेवींमधे पाकिस्तान भारताच्या पुढे आहे. स्विस बँकेतील पाकिस्तानी लोकांच्या एकुण ठेवी ७,७०० कोटी असल्याचे समोर आले आहे.
मोदी सरकारच्या नोटबंदीच्या निर्णयानंतर स्विस बँकेतील भारतीयांच्या पैस्यात वाढ झाल्यामुळे आश्चर्य व्यक्त केले जात आहे.

औरंगाबाद : पोलीस उपायुक्त दर्जाच्या अधिकार्यावर बलात्काराचा गुन्हा नोंद होण्याची धक्कादायक घटना सिडको परिसरात घडली अाहे. महिला काॅन्स्टेबलच्या मुलीने औरंगाबाद येथील पोलीस उपायुक्त राहुल श्रीरामे यांच्यावर बलात्काराचा गंभीर आरोप केला आहे. या घटनेने पोलीस खात्याला शर्मेने मान खाली घालावी लागली आहे. समाजाच्या विविध स्तरांतून या घटनेचा तीव्र शब्दांत निषेध व्यक्त केला जात आहे. एका आय.पी.एस. दर्जाच्या अधिकार्यावर बलात्कारासारखा आरोप होणे ही गंभीर बाब असल्याचे सुप्रिया सुळे यांनी म्हणले आहे. औरंगाबाद येथील घटनेचा सुप्रिया सुळेंनी ट्विटरवरुन निषेध केला आहे. रक्षकच भक्षक झाले तर जनतेने कोणाकडे पाहायचे ? असा सवालही सुळे यांनी ट्विटरवरुन विचारला आहे. गृहखात्याचा वचक नसल्याने अशा विकृती डोकंवर काढत आहेत असं म्हणुन त्यांनी गृहखात्यावर ताशेरे ओढले आहेत. गृहखात्याला स्वतंत्र मंत्री नसल्यामुळे अशा प्रकारच्या गोष्टी वाढल्या आहेत. कायदा व सुव्यवस्थेचा प्रश्न एरणीवर आला अाहे. असे म्हणत सुप्रिया सुळे यांनी गृहखात्याला स्वतंत्र मंत्री मिळायलाच पाहीजे अशी मागणी यावेली केली आहे.

दिल्ली : संयुक्त राष्ट्रसंघातील अमेरिकेच्या अॅम्बेसिडर असलेल्या निक्की हालेय सध्या भारत दौर्यावर आल्या आहेत. दिल्ली येथी हुमायूनच्या टोंबला भेट देऊन त्यांनी आपल्या दौर्याची सुरवात केली आहे. त्यावेळी धर्माचे स्वातंत्र्य हे लोकस्वातंत्र्य व अधिकार स्वातंत्र्याइतकेच महत्वाचे आहे असे निक्की हालेय यांनी म्हणले आहे.

“अमेरीकेचे भारताप्रती असलेले प्रेम अधिक घट्ट करण्यासाठीच मी हा दौरा करत आहे. जगभर अनिश्चिततेचे वातावरन असताना भारतासोबतचे संबंध अधिक मजबुत करण्यास अमेरीका उत्सुक आहे” असे निक्की हालेय पत्रकारांशी बोलताना म्हणाल्या आहेत. “मला भारतात परतून आनंद झाला आहे. माझ्या आठवणीमधे इथे जेवढे सौंदर्य होते तितकेच आजही आहे.” असे मुळच्या भारतीय असलेल्या निक्की हालेय यांनी भारताबद्दल बोलताना उद्गार काढले आहेत. “भारत आणि अमेरीका ही लोकशाहीवर विश्वास ठेवणारी जगातील सर्वात जुनी राष्ट्रे असून दोघांनी दहशतवादाच्या प्रश्नांवर एकत्रीत काम करायला हवे” असेही हालेय म्हणाल्या आहेय. दोन दिवशीय दौर्यामधे निक्की हालेय विशेष सरकारी अधिकारी, सामाजिक क्षेत्रात काम करणर्या विशेष संस्था, उद्योगपती तसेच काही विद्यार्थी आदींची भेट घेणार आहेत.

पुणे : बालाजी कांबळे या भाजपच्या नगरसेवकावर जीवघेणा हल्ला झाला आहे. पुण्यातील आळंदी रोडवर वडमुखवाडी परिसरात ही घटना घडली आहे. संध्याकाळी ૪ च्या सुमारास अज्ञात हल्लेखोरांनी कांबळे यांच्यावर कोयत्याने जीवघेणा हल्ला केला. डोक्याला जबरदस्त मार लागलेले कांबळे जागीच बेशुद्ध होऊन पडले होते. उपस्थितांनी त्यांना उपचारासाठी रुग्नालयात दाखल केले असता डाॅक्टरांनी त्यांना मृत घोषीत केले. बालाजी कांबळे हे भारतीय जनता पक्षाचे आळंदी येथून नगरसेवक होते. त्यांच्या हत्तेमागील कारण अद्याप समजलेले नसून पोलीस हल्लेखोरांचा शोध घेत आहेत.