पुणे : डॉक्टर ला नेहमी देवाचा दर्जा दिला जातो. रुग्णांची सेवा करण्यातच डाॅक्टरांचे सारे आयुष्य खर्ची जाते. रुग्नांची सेवा करणार्या डाॅक्टरांमधे असेही काही निवडक डॉक्टर असतात जे समाजाच्या आर्थिक बाजुचा विचार करून अल्पशा फी मधे आपली सेवा अविरतपणे चालु ठेवतात. अशाप्रकारे वैद्यकीय व्यवसाय करत आपले सामाजिक भान जपणार्या विशेष डाॅक्टरांना दिला जाणारा “जनरल प्रेक्टिशनर्स असोशियेशन अवाॅर्ड २०१८” पुण्यातील डॉ. वसंत रामजी चंदन यांना जाहीर झाला आहे. डाॅक्टर्स डे च्या निमित्ताने आयोजीत कार्यक्रमात त्यांना या पुरस्काराने सन्मानित करण्यात आले आहे. वैद्यकीय क्षेत्रामधे विशेष काम करणार्या निवडक डॉक्टरांना ‘जनरल प्रेक्टिशनर्स असोशियेशन’ या संस्थेतर्फे दरवर्षी या विशेष पुरस्काराने सन्मानित केले जाते.

‘आजचा सत्कार हा कुलवंतांचा सत्कार आहे असे मी मानतो. गेली २५ वर्ष मी जी.पी.एस सोबत आहे. श्रमाशिवाय फळ मिळत नाही हे खरेच आहे. मला या पुरस्कार रुपानर माझ्या श्रमाचे फळ मिळाले आहे. त्याबद्दल मी सर्व वरिष्ठ कनिष्ठ सहकाऱ्यांचा आभारी आहे.’ असे म्हणत डॉ.वसंत रामजी चंदन यांनी भाषणातून सर्वांचे आभार मानले. आयुष्यात अनेक चढ़ उतार आले. त्या चढ़ उतारात मला माझ्या पत्नीची साथ मोलाची ठरली. आज मी जे काही कमावले आहे ते शिक्षणामुळे आहे असे म्हणत त्यांनी शिक्षणाचे महत्व आधोरेखीत केले. दरम्यान विज्ञान शाखेच्या विशेष विद्यार्थ्यांचा सत्कारही यावेळी करण्यात आला. अध्यक्षपदी श्री. प्रवीण दरक उपस्थित होते तर प्रमुख पाहुणे म्हणुन कपिल बोरावके व संजय अरोरा यांची उपस्थिती होती. कार्यक्रमाचे सूत्रसंचालन डॉ शिवाजी कोल्हे यांनी केले तर समारोप डॉ हरिभाऊ सोनवणे यांनी केला.

(वृत्तांकन – सुनिल शेवरे)

धुळे : लहान मुलांना पळवणारी टोळी असल्याच्या संशयावरुन साक्री तालुक्यातील राईनपाडा गावात जमावाने पाच जणांना बेदम मारहाण केली होती. जमावाने केलेल्या मारहानीत पाचजणांचा मृत्यू झाला होता. मृत्यू झालेल्या त्या पाच जणांची आता ओळख पटली असून ते मुळचे सोलापूर जिल्ह्यातील असल्याचे समजत आहे. भारत शंकर भोसले, दादाराव शंकर भोसले, भारत शंकर माळवे, अंगु इंगोळे आणि राजु भोसले अशी मृतांची नावे आहेत. मृतांच्या नातेवाईकांनी मृतांचे मृतदेह घेण्यास नकार दिला आहे. जोपर्यंत दोषींवर कारवाई होत नाही तोपर्यंत शवाला हात लावणार नाही असा पवित्रा नातेवाईकांनी घेतला आहे. मृत्यू झालेले पाचजण नाथगोसावी या भटक्या विमुक्त समाजाचे सदस्य असल्याचे समोर आले आहे.

नाथगोसावी समाजातील लोकांनी सातारा जिल्हाधिकारी कार्यालयासमोर आदोलन छेडले असून दोषींवर कडक कारवाई करण्याची मागणी केली आहे.

त्याचबरोबर काँग्रेस व आदी विरोधी पक्षांनी धुळे हत्याकांड प्रकरणी भाजपाला धारेवर धरले अाहे. पोलीस घटनास्थळी उपस्थीत असूनसुद्धा ते जमावाला रोखू शकले नाहीत असे म्हणत काँग्रेसने पोलीसांच्या निष्क्रीयतेचा निषेध केला आहे. “राज्यात कायद्याचे राज्य आहे की जंगल राज आहे?” असा सवाल उपस्थित करत काँग्रस नेते अशोक चव्हाण यांनी सरकारवर निशाणा साधला आहे.

धुळे : जमावाकडून मारहान झाल्याने पाच जणांचा मृत्यू झाल्याची धक्कादायक घटना साक्री तालुक्यातील राईनपाडा गावात रविवारी घडली होती. लहान मुलांना पकडून नेत असल्याच्या संशयावरुन जमावाने पाच जणांना बेदम मारहान केली होती. पोलीसांनी शीघ्र तपासप्रक्रीया राबवावी अशी मागणी सर्वत्र होत होती. हाती आलेल्या माहीतीनुसार राईनपाडा प्रकरणामधे पोलीसांनी आत्तापर्यंत २३ जणांना अटक केली असल्याचे समजत आहे. धुळे हत्याकांडामुळे अख्का महाराष्ट्र हादरला असून समाजाच्या विविध स्तरांतून त्या घटनेचा निषेध व्यक्त केला जात आहे. धुळे दौर्यावर असलेले राज्याचे गृहराज्यमंत्री दीपक केसरकर यांनी ‘रेनपाडा प्रकरणात काही संशयीतांना अटक करण्यात आलेली असून दोषींवर कडक कारवाई करण्यात येईल’ असे आश्वासन दिले आहे. सदरील प्रकार सोशल मिडीयावर पसरलेल्या अफवांमुळे घडला असून अशा अफवांवर नागरिकांनी विश्वास ठेवू नये असे आवाहनही केसकर यांनी पत्रकारांशी बोलताना केले अाहे.

धुळे : जमावाने बेदम मारहान केल्याने पाच जणांचा मृत्यु झाल्याचा धक्कादायक प्रकार महाराष्ट्रातील धुळे येथे घडला आहे. मृत्यु झालेले पाच लोक लहान मुलांना पळवून नेण्यासाठी आले असल्याचा गैरसमज झाल्याने जमावाने त्यांना मारहान केली असल्याचे समजत आहे. मदतीसाठी घटनास्थळी दाखल झालेल्या पोलीसांनाही जमावाने मारहान केली असून ६ पोलीस गंभीर जखमी झाले आहेत. महाराष्ट्राला हादरवून टाकणारी ही घटना धुळे जिल्ह्यातील साक्री तालुक्यातील रेनपाडा गावात घडली आहे. मृत्यु झालेले पाचही लोक आदिवासी समाजातील असून मुळचे सोलापूर जिल्ह्यातील असल्याची प्राथमिक माहीती आहे. पोलीस कारवाईच्या भीतीने रेनपाडा गावातील बहुतांश लोक गाव सोडून पळून गेले आहेत. रेनपाडा प्रकरणात संपुर्ण गावच आरोपीच्या पिंजर्यात उभे असल्याने पोलीसांना तपासात अनेक अडथळ्यांना सामोरे जावे लागत आहे.

लखनौ : उत्तर प्रदेशच्या मुख्यसचिव पदी अनुपचंद्र पांडे यंची निवड करण्यात आली आहे. विशेष म्हणजे तेरा वरिष्ठ आय.ए.एस. अधिकार्यांना डावलून पांडे यांची नियुक्ती करण्यात आली आहे. यापूर्वी पांडे औद्योगिक विकास महामंडळाचे आयुक्त म्हणून काम पाहत होते. अनूप चंद्र पांडे १९८४ सालच्या आय.ए.एस. बॅचचे अधिकारी असून त्यांनी राज्याचे वित्त सचिव म्हणूनही जबाबदारी निभावली आहे. कडक शिस्तीचे अधिकारी आणि काम तडीस लावणारा प्रशासक म्हणून अनुप चंद्र पांडे यांचा राज्यात लौकिक आहे. उ. प्रदेशचे मुख्यमंत्री योगी आदित्यनाथ यांचे निकटवर्तीय म्हणून पांडे यांची ओळख आहे. मुख्यमंत्र्यांसोबतच्या सलगीतूनच त्यांची निवड झाल्याचे राजकीय वर्तुळात बोलले जात आहे. सुत्रांनी दिलेल्या माहितीनुसार राज्याच्या मुख्य सचिव पदाबरोबर औद्योगिक विकास महामंडळाच्या आयुक्त पदाचा अतिरिक्त पदभारही पाडे यांच्यावर सोपावण्यात आले आहे. उत्तर प्रदेशचे मुख्य सचिव म्हणून अनुप चंद्र पांडे उद्या रविवारी सायंकाळी ५ वाजता पदभार स्वीकारणार आहेत.

मुंबई : संपावर गेलेल्या कर्मचार्यांच्या वेतनात कपात करण्याचे आदेश एस.टी. महामंडळाने दिले आहेत. ८ आणि ९ जून रोजी महामंडळाने केलेली पगारवाढ पुरेशी नसल्याची तक्रार करत एस.टी. कर्मचारी संपावर गेले होते. आता या संपावर गेलेल्या कर्मचार्यांच्या पगारात कपात करण्याचे आदेश महामंडळाने दिले असल्याने एस.टी. कर्मचार्यांना चांगलाच धक्का बसला आहे.
कोणतीही पुर्वकल्पना न देता संपावर गेलेल्या आणि कामावर गैरजहर राहीलेल्या एस.टी. कर्मचार्यांच्या वेतनात कपात करण्याचे अादेश एस.टी. महामंडळाचे महाव्यवस्थापक माधव काळे यांनी विभागीय नियंत्रकांना दिले आहेत. एक दिवस संपावर गेलेल्या कर्मचार्यांचा नऊ दिवसांचा पगार कापण्याचा अादेश महामंडळाने दिला आहे तर दोन दिवस संपावर गेलेल्यांचा दहा दिवसांचा पगार कापण्याचा आदेश देण्यात आला आहे.
महाराष्ट्र एस.टी. कामगार संघटनेचे अध्यक्ष संदीप शिंदे यांनी महामंडळाचा वेतन कपातीचा निर्णय अन्यायकारक असल्याचे म्हणले आहे. निर्णय मागे घेण्यासंदर्भात आम्ही प्रशासनाला लेखी आवाहन करणार आहोत असेही शिंदे यांनी सांगीतले आहे. वेतन कपातीचा निर्णय महामंडळाने मागे न घेतल्यास न्यायालयात जाणार असल्याचा इशाराही यावेळी शिंदे यांनी दिला आहे.