Organic Liquid Fertilizer | आपल्या सगळ्यांनाच माहिती आहे की, ताक हे आपल्या शरीरासाठी खूप फायदेशीर आहे. ताकामुळे आपल्या शरीरातील उष्णता कमी होते. त्याचप्रमाणे आपल्या शरीरातील कॅल्शियमची कमतरता देखील भरून काढण्यासाठी ताकाचा वापर केला जातो. परंतु या ताकाचे फक्त आपल्या शरीरालाच नव्हे, तर झाडांना देखील मोठ्या प्रमाणात फायदा होतो. तुम्ही आता घरात तयार केलेल्या या ताकापासून ऑरगॅनिक लिक्विड फर्टीलायझर तयार करू शकता. आणि ते तुमच्या झाडांना घालू शकता. त्यामुळे तुमच्या झाडांची वाढ देखील चांगली होईल.
घन खतांपेक्षा लिक्विड खत (Organic Liquid Fertilizer ) हे झाडांच्या पोषण तत्वासाठी खूप चांगले असते. परंतु बाजारात मिळणाऱ्या रासायनिक खतांमुळे झाडांवर त्याचप्रमाणे आपल्या आरोग्यावर विपरीत परिणाम होतो. परंतु जर तुम्ही या ताकापासून घरच्या घरी ऑरगॅनिक लिक्विड तयार केले, तर त्याचे तुम्हाला खूप फायदे होतील. आता हे ऑरगॅनिक फर्टीलायझर तयार कसे करायचे हे आपण जाणून घेणार आहोत.
ताकापासून ऑरगॅनिक लिक्विड फर्टीलायझर कसे करायचे? | Organic Liquid Fertilizer
- ताकापासून लिक्विड फर्टीलायझर तयार करण्यासाठी तुम्ही सगळ्यात आधी एका बॉटलमध्ये पाच कप ताक घ्या आणि मग त्यात कपाने नारळाचा ज्यूस टाका.
- त्यानंतर तुम्ही या मिश्रणात 20 ग्रॅम हळद आणि चार ग्रॅम हिंग टाकून नारळाचा ज्यूस एकजीव करून घ्या.
- हे पदार्थाचे मिश्रण एकजीव झाल्यानंतर तुम्ही हे लिक्विड पाच ते सहा तासांसाठी तसेच ठेवून द्या.
- नंतर लिक्विड स्प्रे बॉटलमध्ये भरून तुम्ही ते रोपांच्या मुळण वर स्प्रे करा.
झाडाला होणारे फायदे
ताकाच्या लिक्विड फर्टीलायझरचे झाडाला खूप फायदे होतात. ताकामध्ये फॉस्फरस, कॅल्शियम,पोटॅशियम सारखे अनेक पोषकतत्वे असतात. ज्यामुळे झाडाला त्याचा फायदा होतो. त्याचप्रमाणे ताकात असलेल्या या गुणधर्मामुळे कीटक देखील लागत नाही. अशाप्रकारे तुम्ही घरच्या घरी ताकापासून लिक्विड फर्टीलायझर तयार करून ते झाडांना घालू शकता.
