Potato Peels Benefits | बटाटा ही अशी भाजी आहे. जी अगदी लहानांपासून मोठ्यांपर्यंत सगळ्यांना आवडते. बटाट्याचा वापर वेगवेगळ्या पद्धतीने करता येतो. परंतु अनेकदा आपण बटाट्याच्या साली काढून तो फेकून देतो. परंतु तुम्हाला माहित नसेल की, बटाट्याच्या सालीच्या सेवनाने तुम्हाला अनेक आवश्यक तत्त्व मिळतात. बटाट्याच्या सालीमध्ये विटामिन सी, विटामिन बी, पोटॅशियम, मॅग्नेशियम आणि शक्तिशाली ऑक्सिडंट असतात. जे तुमच्या शरीराला अनेक फायदे देतात. त्याचप्रमाणे पट्ट्याच्या सालीचे सेवन केल्यामुळे हृदयविकाराचा झटका येण्याची शक्यता देखील कमी असते. त्याचप्रमाणे रक्तदाब देखील नियंत्रणात राहतो. आता बटाट्याच्या सालींचे (Potato Peels Benefits) सेवन केल्यावर आपल्या आरोग्याला नक्की कोणकोणते फायदे होतात? हे आपण जाणून घेणार आहोत.
हाडे मजबूत होतात | Potato Peels Benefits
बटाट्याच्या साली खाल्ल्याने हाडांच्या आरोग्याला फायदा होतो. कॅल्शियम, मॅग्नेशियम, लोह, फॉस्फरस, पोटॅशियम आणि जस्त यांसारखे आवश्यक पोषक घटक त्यात आढळतात, जे हाडांची घनता वाढवण्यासाठी फायदेशीर ठरतात.
प्रतिकारशक्ती सुधारते
बटाट्याच्या सालीमध्ये व्हिटॅमिन सी आणि अनेक शक्तिशाली अँटीऑक्सिडंट असतात, जे एकत्रितपणे रोगप्रतिकारक शक्तीला फायदा देतात. त्यामध्ये व्हिटॅमिन बी कॉम्प्लेक्स आणि कॅल्शियम देखील मुबलक प्रमाणात आढळते, जे रोगप्रतिकारक शक्ती मजबूत करण्यास मदत करते.
बद्धकोष्ठता पासून आराम
जर तुम्हाला अनेकदा बद्धकोष्ठतेचा त्रास होत असेल तर अशावेळी बटाट्याची साले खूप फायदेशीर ठरतात. यामध्ये फायबर मुबलक प्रमाणात असते, जे पचन सुधारतेच पण बद्धकोष्ठतेची समस्या देखील दूर करते.
त्वचेसाठी फायदेशीर
बटाट्याची साल देखील त्वचेसाठी खूप फायदेशीर मानली जाते. त्यांच्यामध्ये असलेले अँटी-बॅक्टेरियल गुणधर्म डागांपासून मुक्त होतात आणि त्वचा चमकदार बनविण्यास मदत करतात.
कर्करोग प्रतिबंध | Potato Peels Benefits
बटाट्याच्या सालीमध्ये फायटोकेमिकल्स असतात, जे शक्तिशाली अँटिऑक्सिडंट्स म्हणून काम करतात. याशिवाय त्यात क्लोरोजेनिक ॲसिडही आढळते, जे कॅन्सरपासून बचाव करण्यासाठी उपयुक्त ठरते.
