Wednesday, October 5, 2022

Buy now

Paytm वर विना गॅरंटी मिळेल 5 लाखांचे लोन, त्यासाठी काय करावे लागेल ते समजून घ्या

नवी दिल्ली । जर तुम्ही छोटे व्यापारी असाल तर ही बातमी तुमच्यासाठी खूप उपयोगाची आहे. Paytm ने लहान व्यापाऱ्यांना 5,00,000 रुपयांपर्यंत कर्ज देण्यासाठी एक छान ऑफर आणली आहे. तसेच हे कर्ज घेण्यासाठी तुम्हाला कोणत्याही प्रकारची गॅरेंटी देण्याची गरज नाही. शिवाय, ते फेडण्यासाठी, Paytm ने डेली EMI चा पर्याय देखील दिला आहे. Paytm ने या संदर्भात शेड्यूल्ड कमर्शियल बँका आणि NBFC सोबत भागीदारी केली आहे.

जर तुम्हांलाही हे कर्ज घ्यायचे असेल तर त्यासाठी पेटीएम फॉर बिझनेस अ‍ॅपमधील ‘Merchant Lending Program’ मध्ये जावे लागेल. Paytm चे अल्गोरिदम तुमच्या किंवा व्यापाऱ्याच्या डेली ट्रान्सझॅक्शनच्या आधारे Credit-worthiness तपासेल.

पूर्णपणे डिजिटल लोन अर्ज प्रक्रियेसह, कोणत्याही अतिरिक्त कागदपत्रांची आवश्यकता नाही. लोनचे री-पेमेंट प्रामुख्याने Paytm सह व्यापाऱ्याच्या डेली सेटलमेंटद्वारे केले जाते. जर तुम्ही एकाच वेळी वेळेपूर्वी लोन भरायचे ठरवले तर यासाठी कोणतेही प्री-पेमेंट शुल्क लागणार नाही.

लोन मिळवण्यासाठी ‘या’ 5 स्टेप फॉलो करा
1. Paytm for Business अ‍ॅपच्या होम स्क्रीनवरील “बिझनेस लोन” आयकॉनवर टॅप करा आणि तुमच्यासाठी उपलब्ध असलेली ऑफर तपासा. यामध्ये तुम्ही तुमच्या गरजेनुसार कर्जाची रक्कम वाढवू किंवा कमी करू शकता.

2. एकदा रक्कम निवडल्यानंतर, तुम्ही लोन अमाउंट, डिस्बर्स अमाउंट, Total Payable, Daily Installment, Tenure इत्यादी डिटेल्स पाहू शकता.

3. आता तुम्हाला तुमच्या डिटेल्सची पुष्टी करावी लागेल.त्यासाठी चेक बॉक्सवर क्लिक करा आणि पुढे जाण्यासाठी “Get Started” वर टॅप करा. तुमचा कर्जाचा अर्ज लवकर पूर्ण करण्यासाठी CKYC कडून तुमचे KYC डिटेल्स मिळवण्यासाठी संमती देऊ शकता.

4. पुढील स्क्रीनवर, तुम्ही तुमचा पॅन कार्ड डेटा, जन्मतारीख आणि ई-मेल अ‍ॅड्रेस यासारख्या डिटेल्सचे व्हेरीफिकेशन करू शकता. जर हे फील्ड भरले नाहीत तर ते भरा आणि पुष्टी करा. एकदा हे पूर्ण झाल्यावर तुम्ही ऑफरच्या पुष्टीकरणासह पुढे जाऊ शकता. पॅन डिटेल्स व्हेरिफाय केल्यानंतर, तुमचा क्रेडिट स्कोअर व्हेरिफाय केला जाईल आणि KYC चे व्हेरीफिकेशन केले जाईल.

5. तुमचा कर्ज अर्ज सबमिट केल्यानंतर, कर्जाची रक्कम तुमच्या बँक खात्यात ट्रान्सफर केली जाईल. त्यामुळे तुम्ही तुमचे बँक डिटेल्स इत्यादी काळजीपूर्वक भरा.

कंपनीने आपल्या Q3 FY22 च्या रिपोर्टमध्ये नोंदवले होते की, प्लॅटफॉर्मवर वितरित केलेल्या मर्चंट लोनची संख्या वर्ष-दर-वर्ष 38% वाढली आहे, तर मर्चंट लोनचे मूल्य वर्ष-दर-वर्ष 128% वाढले आहे. नवीन कर्जदारांना 25% पेक्षा जास्त कर्ज वितरित केले गेले.