हॅलो महाराष्ट्र ऑनलाईन । केंद्रीय मंत्री नारायण राणे यांनी शिवसेनेचे खासदार संजय राऊत यांच्यावर आज पत्रकार परिषद घेत हल्लाबोल केला. राणे यांच्या पत्रकार परिषदेनंतर खासदार विनायक राऊत यांनीही पत्रकार परिषद घेत पलटवार केला. “संजय राऊतांच्या आरोपामुळे भाजपचे अनेक नेते घायाळ झाले आहेत. वास्तविक संजय राऊत हे शिवसेनेचे नेते आहेत. नारायण राणे यांना बाळासाहेब ठाकरे यांनी नेते हि उपाधी कधीच दिली नाही. कारण ठाकरे यांना चांगले माहिती होते कि राणे हे सत्तापिपासू आहेत, अशी घणाघाती टीका विनायक राऊत यांनी केली.
विनायक राऊत यांनी आज तर्कार प्रिधड घेत माध्यमांशी संवाद साधला. यावेळी ते म्हणाले कि, राऊतांच्या बाणांमुळे भाजप घायाळ झाली आहे. संजय राऊत हे शिवसेनेचे नेते आहेत. बाळासाहेबांनी ज्यांना नेते केले त्यातच संजय राऊत नेते झाले. बाळासाहेबांनी नेते ही उपाधी राणेंना दिली नसल्याने याच्यातून नारायण राणेंची लायकी दिसते. संजय राऊत निधड्या छातीचे शिवसैनिक आहेत.
कालच्या पत्रकार परिषदेत राऊतांनी उघड बोलण्याचे धाडस केले. राणेंच्या मागे ईडी लागल्यावर चोर रस्त्याने दिल्लीत जाऊन त्यांनी शरणागती पत्करली. ईडीपासून बचाव करण्यासाठी शिवसेनेशी आणि काँग्रेसशी बेईमानी केली, अशी टीकाही राऊत यांनी पत्रकार परिषदेतून केली.
