UPI सारखे बनणार पेमेंट नेटवर्क, NUE साठी अर्ज करणार Paytm, Ola आणि IndusInd Bank

नवी दिल्ली । पेटीएम (Paytm), ओला फायनान्शियल (Ola Financial) आणि इंडसइंड बँक (IndusInd Bank) एक न्यू अंब्रेला एंटिटी (New Umbrella Entity) ना परवान्यासाठी अर्ज करण्याची योजना आखत आहेत. यामुळे कंपन्यांना नॅशनल पेमेंट्स कॉर्पोरेशन ऑफ इंडिया (NPCI) द्वारा संचालित युनिफाइड पेमेंट्स इंटरफेस (UPI) असे पेमेंट नेटवर्क तयार करण्यास सक्षम केले जाईल. दरम्यान, आरबीआयने न्यू अंब्रेला एंटिटी (NUE) साठी अर्ज करण्याची तारीख 31 मार्चपर्यंत वाढविली आहे.

इकॉनॉमिक टाइम्सच्या अहवालानुसार या गटात जेटापे (Zeta Pay), इलेक्ट्रॉनिक पेमेंट सर्व्हिसेस (Electronic Payment Services) आणि सेन्ट्रम फायनान्सचा (Centrum Finance) समावेश असण्याची शक्यता आहे. यात पेटीएमची प्रमुख भूमिका असण्याची शक्यता आहे. सूत्रांनी सांगितले की, हा कंसोर्टियम 26 फेब्रुवारी रोजी भारतीय रिझर्व्ह बँकेकडे प्रस्ताव सादर करू शकेल.

NUE च्या स्पर्धेत कंसोर्टियम ऑफ कंपनीज आहेत
>> टाटा ग्रुप, एचडीएफसी बँक, कोटक महिंद्रा बँक, मस्तकार्ड, भारती, पेयू
>> अ‍ॅमेझॉन, आयसीआयसीआय बँक, अ‍ॅक्सिस बँक, पाइन लॅब, बिलडेस्क आणि व्हिसा
>> पेटीएम, इंडसइंड बँक, ओला फायनान्शियल, सेन्ट्रम फायनान्स, जेटपे आणि ईपीएस

आरबीआय दोन NUE पेक्षा अधिक परवाने जारी करणार नाही
या अहवालानुसार अर्ज सादर झाल्यानंतर रिझर्व्ह बँक त्यांच्या प्रस्तावाचा अभ्यास किमान सहा महिने करेल. असा विश्वास आहे की, रिझर्व्ह बँक 2 पेक्षा जास्त न्यू अंब्रेला एंटिटीना परवाने देणार नाही.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.

You might also like