औरंगाबाद – जिल्ह्यात 0 ते 5 वयोगटातील मुलांसाठी 27 फेब्रुवारी रोजी जिल्हा परिषद आरोग्य विभागातर्फे ग्रामीण भागात तर महापालिकेच्या वतीने शहरात पल्स पोलिओ लसीकरण मोहिम राबवली जात आहे.
ग्रामीण भागातील एकूण 2 लाख 67 हजार मुलांना तर शहरातील 1 लाख 98 हजार 614 बालकांना या अभियानाअंतर्गत डोस देण्यात येणार आहे. या मोहिमेचे उद्घाटन जिल्हा परिषद अध्यक्ष मीना शेळके यांच्या हस्ते आणि मुख्य कार्यकारी अधिकारी नीलेश गटणे, आरोग्य व शिक्षण सभापती अविनाश गलांडे यांच्या हस्ते कुंबेफळ येथे सकाळी होईल.
तर शहरातील लसीकरण मोहिमेचा प्रारंभ सिद्धार्थ उद्यान येथे सकाळी 11 वाजता प्रशासक आस्तिककुमार पांडेय यांच्या हस्ते होईल.