हॅलो महाराष्ट्र ऑनलाइन | पुण्याचे भाजप खासदार गिरीश बापट यांनी राष्ट्रवादी काँग्रेस पक्षाला डिवचले आहे. राष्ट्रवादी काँग्रेस पक्ष हा पश्चिम महाराष्ट्रापुरता पक्ष असल्याचं त्यांनी म्हटलं आहे. पुण्यात गिरीश बापट यांच्या घराबाहेर काँग्रेसनं आंदोलन करण्याचा इशारा दिला होता. काँग्रेसच्या या आंदोलनानंतर गिरीश बापट यांनी प्रसारमाध्यमांशी संवाद साधताना राष्ट्रवादीला डिवचले
गिरीश बापट म्हणाले, राष्ट्रवादी काँग्रेस मध्ये दोन चार लोकचं निर्णय घेतात. तो पक्ष परिवारवादी पक्ष आहे, तसेच राष्ट्रवादी काँग्रेस हा पक्ष पश्चिम महाराष्ट्रापुरता आहेअशी टीका गिरीश बापट यांनी केलं आहे.
दरम्यान, 15 मार्चला 16 नगरसेवक भाजपातून राष्ट्रवादी काँग्रेसमध्ये येणार असल्याचा दावा राष्ट्रवादीचे पुणे शहराध्यक्ष प्रशांत जगताप यांनी केला होता. त्यावर बोलताना जगताप यांनी दावा केलाय मात्र 16 मार्चला भेटू असं आव्हान गिरीश बापट यांनी दिलं आहे.. तसेच पुणे महापालिका निवडणुकीत भाजपा पूर्ण बहुमताने सत्तेत येईल असा विश्वास त्यांनी व्यक्त केला
