लॉकडाऊनमध्ये नोकरी गेल्याने पुण्यातील जीवरक्षक तरुणाने उचलले ‘हे’ पाऊल

पुणे : हॅलो महाराष्ट्र – पुण्यामध्ये एक धक्कादायक घटना घडली आहे. यामध्ये एका तरुणाला लॉकडाऊनमध्ये आपली नोकरी गमवावी लागली. यामुळे या युवकाने नैराश्यात जाऊन आपल्या आयुष्याचा शेवट केला आहे. हा युवक लाईफगार्ड म्हणून काम करत होता. त्याने उचललेल्या टोकाच्या पावलामुळे परिसरात एकच खळबळ उडाली आहे.

दत्ता पुशीलकर असे आत्महत्या केलेल्या तरुणाचे नाव असून तो पुणे शहरातील केशवनगर मुंढवा या ठिकाणी वास्तव्यास होता. या कोरोनाच्या पार्श्वभूमीवर पुकारलेला लॉकडाऊन, सततच्या निर्बंधामुळे दत्ताची नोकरी गेल्यामुळे तो नैराश्यात गेला होता. याच नैराश्यातून त्याने हे टोकाचे पाऊल उचलले असल्याचे समजत आहे.

नोकरी गेल्याने कौटुंबिक कलह
दत्ता पुशीलकर हा पुण्यातील नांदे तलावाचा जीवरक्षक म्हणून काम करत होता. राज्य सरकारने लावलेल्या लॉकडाऊनमुळे त्याला आपली नोकरी गमवावी लागली होती. 2020 पासून काम नसल्याने कौटुंबिक कलहदेखील वाढला होता. अखेर या सगळ्या गोष्टींना कंटाळून त्याने आपल्या आयुष्याचा शेवट केला आहे. त्याच्या या निर्णयामुळे परिसरात हळहळ व्यक्त केली जात आहे.