हॅलो महाराष्ट्र ऑनलाईन । भाजपचे माजी खासदार किरीट सोमय्या यांच्याकडून आज वाशीम जिल्ह्याचा दौरा केला जात आहे. या दौऱ्यावेळी त्यांच्याकडून शिवसेनेवर टीका करण्यात आल्याने आक्रमक झालेल्या शिवसैनिकांनी सोमय्या यांच्या ताफयातील गाडीवर शाही फेकून दगडफेक केली. यावेळी एकच गोंधळ उडाला.
भाजपनेते तथा माजी खासदार किरीट सोमय्या यांनी शिवसेना खासदार भावना गवळी यांचा घोटाळा उघडकीस आणणार तसेच नार्वेकर यांनी समुद्र किनाऱ्यावर बंगला बांधला असून लवकरच हा बंगला मी जमीनदोस्त करणार असल्याची टीका केली आहे. यावरून आक्रमक झालेल्या शिवसैनिकांनी किरीट सोमय्या यांच्या ताफयातील गाडीवर अचानकपणे दगडफेक करण्यास सुरुवात केली. यावेळी पोलिसांनी कार्यकर्त्यांची धरपकड केली.
Gundas of Shivsena Assaulted My Car, Thrown 3 Big Stone on My Car, which Heat Window/GlassScreen where I am Seating
Convoy had Police Vehicle also. Incident happened 12.30pm when My Car was Passing through MP Bhavna Gavli ₹100 Crore SCAM, Balaji Particles Board Karkhana, Washim pic.twitter.com/xTlecR2deF
— Kirit Somaiya (@KiritSomaiya) August 20, 2021
भाजपनेते तथा माजी खासदार किरीट सोमय्या यांच्याकडून सध्या शिवसेनेवर टीका केली जात आहे. दरम्यान ते आज वाशीम येथे रस्त्याच्या कामाची पाहणी करण्यासाठी आले होते. यावेळी त्यांनी एका कार्यक्रमात मिलिंद नार्वेकर, अनिल परब, भावना गवळी, यशवंत जाधव या चौघावर आता ईडी, पोलीस कारवाई करणार असल्याचेही म्हणाले. त्यामुळे आक्रमक झालेल्या शिवसैनिकांनी किरीट सोमय्या यांच्या ताफयातील गाडीवर अचानकपणे दगडफेक केली.