हॅलो महाराष्ट्र ऑनलाइन | दसरा मेळावा पूर्वीच शिवसेना आणि शिंदे गटात टीजर वरून एकमेकांवर कुरघोडी सुरू आहेत. त्यातच आता उद्धव ठाकरेच्या शिवसेनेने आपला दुसरा टीजर रिलीज केला आहे. यामध्ये उद्धव ठाकरेंवर संपूर्ण फोकस करण्यात आला असून त्यांच्या भाषणातील काही क्लिप्स दाखवण्यात आल्या आहेत. पाठीत वार करणाऱ्यांचा कोथळा काढणार अस शिवसेनेनं म्हंटल आहे.
छत्रपती शिवरायांनी आपल्याला शिकवले आहे की, एकतर कोणाच्या पाठीत वार करायचा नाही आणि जर कोणी केला तर त्याचा कोथळा बाहेर काढल्याशिवाय राहायचं नाही. आज माझ्याकडे काहीच नाही पण तुमची शक्ती आहे त्याजोरावर मी पुढे चाललोय. सगळे एकत्र येऊन शिवसेनेवर तुटून पडणार आहेत… पण मर्द असतो तो याच लढाईची वाट पाहत असतो अस उद्धव ठाकरे या व्हिडिओ मध्ये बोलताना दिसत आहेत.
एक नेता, एक झेंडा, एक मैदान…
एकनिष्ठ शिवसैनिकांचा.. पारंपरिक ऐतिहासिक दसरा मेळावा!
स्थळ : छत्रपती शिवाजी महाराज पार्क (शिवतीर्थ), दादर
५ ऑक्टोबर २०२२, सायं. ६.३० वा. pic.twitter.com/xqM6444BbG— ShivSena – शिवसेना Uddhav Balasaheb Thackeray (@ShivSenaUBT_) October 3, 2022
दरम्यान, दुसरीकडे शिंदे गटानेही दसरा मेळाव्याचे टीजर रिलीज करत उद्धव ठाकरेंवर निशाणा साधला आहे. शिंदे गटाकडून ठाकरेंच्या जुन्या भाषणाची आठवण करून देत त्यांनी काँग्रेस- राष्ट्रवादी वर केलेल्या टीका व्हिडिओतून दाखवल्या जात आहेत.